කුරුණෑගල, ගනේවත්ත සෞඛ්ය වෛද්ය නිලධාරී කොට්ඨාසයේ තිත්තවැල්ගාය ප්රදේශයට සංචරණ සීමා පනවා තිබෙනවා. තිත්තවැල්ගාය ප්රදේශයෙන් කොරෝනා ආසාදිතයින් 29 දෙනෙකු හමුවීමත් සමග එම තීරණය ගත් බවයි ගනේවත්ත සෞඛ්ය වෛද්ය නිලධාරී කාර්යාලය සඳහන් කලේ.
එම ප්රදේශයේ පවුල් 64ක පුද්ගලයින් 267 දෙනෙකු මේ වනවිට නිරෝධායනයට යොමු කර ඇතැයි ද සෞඛ්ය වෛද්ය නිලධාරී කාර්යාලය වැඩිදුරටත් සඳහන් කර සිටියා.
මේ අතර සිංහල දෙමළ අලුත් අවුරුදු සමයේ ඇතැම් ස්ථානවලදී ජනතාව සෞඛ්ය උපදෙස් නිසියාකාරව අනුගමනය නොකිරීම හේතුවෙන් ඉදිරියේ දී කොවිඩ් -19 ආසාදිතයින්ගේ වැඩිවීමක් අපේක්ෂා කළ හැකි බව වසංගත රෝග විද්යා අංශය පවසනවා.
ඉදිරි සති 04ත් 6ත් අතර කාලය තුළ මෙම තත්ත්වය අපේක්ෂා කළ හැකි බවයි වසංගත රෝග විද්යා අංශයේ අධ්යක්ෂක විශේෂඥ වෛද්ය සුදත් සමරවිර සඳහන් කර සිටියේ.
ඔබේ ප්රතිචාරය කුමක්ද ?
+1
+1
+1
+1
+1
+1
+1
5
