ශ්‍රී ලංකාවට එරෙහිව සංචාරක නවසීලන්ත කණ්ඩායම අතර ඊයේ (18) ඇරඹුණු පළමු ටෙස්ට් තරගයේ අද දෙවැනි දිනය නිමාවන විට නවසීලන්ත කණ්ඩායම සිය ප්‍රතිවාදීන්ට වඩා පළමු ඉනිමෙන් ලකුණු 50ක් පසුපසින් රැඳී සිටිනවා.
ඊයේ දිනයේ දී තරගයේ කාසියේ වාසිය දිනා පළමු ව පන්දුවට පහරදුන් ශ්‍රී ලංකාව සියල්ලන් දැවී ලකුණු 305ක් රැස් කළා.
ඊට පිළිතුරු ඉනිම සිය පළමු ඉනිමට පිතිකරණය අද දිනයේ දී ඇරඹූ නවසීලන්තය අද දිනට තරගය අවසන් කළේ කඩුලු 04ක් දැවී ලකුණු 255ක් ලබා ගනිමින්.
එහිදී ආරම්භක කඩුල්ල වෙනුවෙන් අගනා ඉනිමක් ක්‍රීඩා කරමින් ටොම් ලැතම් ලකුණු 70ක් ලබා ගත්තා.
කේන් විලියම්සන් ලකුණු 55 යි.
පස්වැනි කඩුල්ල වෙනුවෙන් ඩැරිල් මිචෙල් සහ ටොම් බන්ඩල් නොදැවී පිටියෙහි රැඳී සිටිනවා.
ඒ පිළිවෙළින් ලකුණු 41* ක් ( මිචෙල්) සහ ලකුණු 18* (බන්ඩල්) ක් ලබා ගනිමින්.
නවසීලන්තයේ කඩුලු 04 බිඳ දැමීමේ ශ්‍රී ලංකා ගෞරවයෙන් වැඩි කොටසක් අද දිනයේ දී නායක ධනංජය ද සිල්වා හට හිමි වන්නේ කඩුලු 02ක් ඔහු නමින් සටහන් කරමින් වන අතර රමේෂ් මෙන්ඩිස්ට හා ප්‍රභාත් ජයසූරියට එක් කඩුල්ල බැගින් හිමිවුණා.
හෙට (20) තරගයේ තෙවැනි දිනයයි.
