අද (1) සිට ක්‍රියාත්මක වන පරිදි ආනයනික කිරිපිටි මිල අඩු කරන බව කිරිපිටි ආනයනකරුවන්ගේ සංගමය පවසනවා.
ඒ අනුව ආනයනික කිරිපිටි කිලෝග්‍රෑම් 1 පැකට්ටුවක මිල රුපියල් 200 කින් සහ ග්‍රෑම් 400 පැකට්ටුවක මිල රුපියල් 80 කින් අඩු වනවා.
කෙසේ වෙතත් අද හා හෙට නිවාඩු දිනවන බැවින් ලබන සඳුදා සිට නව මිල ගණන් යටතේ නිෂ්පාදන වෙළෙඳපොළට නිකුත් කරන බව කිරිපිටි ආනයනකරුවන්ගේ සංගමය සඳහන් කළේ.
මේ අතර, ඉන්දියාවෙන් ආනයනය කරන ලද බිත්තර බේකරි සහ ආපනශාලා වෙත බෙදා හැරීම මේ වන විට සිදුකෙරෙනවා.
සෞඛ්‍ය වෛද්‍ය නිලධාරීන්ගේ සංගමයේ සභාපති උපුල් රෝහණ මහතා සඳහන් කළේ, මෙම බිත්තර මහජන සෞඛ්‍යයට අහිතකර බවට ඔප්පු කිරීමට මෙතෙක් කිසිවක් හඳුනාගෙන නොමැති බවයි.
මේ අතර, අද සිට අප්‍රේල් 18 දක්වා මුදල් ගෙවීමකින් තොරව මාර්ග දෙපස එළවළු, පළතුරු සහ අනෙකුත් කෘෂි නිෂ්පාදන අලෙවි කිරීමට නිෂ්පාදකයින්ට අවසර ලබාදී තිබෙනවා.
