කැරම් බෝඩ් නඩුවේ තීන්දුව ඇත්තටම ලැබෙන්නේ කොහෙන්ද ?

2015 ජනාධිපතිවරණය සමයේ කැරම් බෝඩ් සහ දාම් බෝඩ් බෙදාදීමේ නඩුවකට අදාළව නීතිපති දෙපාර්තමේන්තුවේ හැසිරීම සම්බන්ධව සමාජ මාධ්‍ය තුළ දැඩි කතාබහක් ලක්ව තිබෙනවා.

ඩාර්ක් රූම් යූටියුබ් නාළිකාව හෙළිකරන ආකාරයට මෙම නඩුවට දේශපාලන බලපෑම් එල්ල වෙමින් පවතින බවට බරපතළ සැකයක් මතුව තිබෙන බවයි ඩාර්ක් රූම් යූටියුබ් නාළිකාව පවසන්නේ..

අදාළ නඩුව 2026 පෙබරවාරි 05 වැනිදා කොළඹ මහාධිකරණයේ දී කැඳවූ අතර, එදින නඩුව ඉදිරියට ගෙන යනවාද නැද්ද යන්න පිළිබඳ තීන්දුවදීමට නියමිතව තිබූ බවයි ඩාර්ක් රූම් යූටියුබ් නාළිකාව හෙළිදරව් කරන්නේ.

ඒ, සඳහා දෙපාර්ශ්වය ජනවාරි මුල් සතියේ ලිඛිත තර්ක ඉදිරිපත් කළ යුතු බවට අධිකරණය කලින්ම නියෝග කර තිබුණත්, නීතිපති දෙපාර්තමේන්තුව එම නියෝගය පැහැර හැර ඇති බවයි ඩාර්ක් රූම් පවසන්නේ.

විත්ති පාර්ශ්වය නියමිත වේලාවට සිය තර්ක ඉදිරිපත් කළත්, නීතිපති දෙපාර්තමේන්තුව සිය ලේඛන ඉදිරිපත් කර ඇත්තේ නඩුවට දින දෙකක් තිබියදී බව ඔවුන් සඳහන් කරනවා.

ඒ, අනුව ඩාර්ක් රූම් නාළිකාව විසින් චෝදනා එල්ල කරන්නේ, විත්ති පාර්ශ්වය ඉදිරිපත් කළ නීතිමය තර්ක කලින් කියවා බලා, ඒ අනුව තමන්ගේ ලිපි ලේඛන සකස් කර ගැනීමට නීතිපති දෙපාර්තමේන්තුවේ සිටින ඇතැම් නිලධාරීන් මෙලෙස කූඨ ලෙස කාලය ලබාගත් බවටයි.

මේ හේතුවෙන් අධිකරණයට එදින තීන්දුව ලබාදීමට නොහැකි වූ අතර, නඩුව කල් ගියේ එම නිසා බවයි ඩාර්ක් රූම් පෙන්වා දෙන්නේ.

මෙම පමාව පිටුපස රහසක් ඇති බව පවසන ඩාර්ක් රූම් යූටියුබ් නාළිකාව, මාර්තු මාසයේ දී මේ සම්බන්ධ තවත් අභියාචනා නඩුවක් විභාගයට ගැනීමට නියමිත අතර, එම කාලය වන තෙක් මෙම තීන්දුව පමා කිරීම මෙහි අරමුණ වී ඇති බවට ද චෝදනා එල්ල කර තිබෙනවා.

ඩාර්ක් රූම් නාළිකාව වැඩිදුරටත් සඳහන් කර සිටින්නේ මෙය සාධාරණ නඩු විභාගයක මූලධර්මවලට පටහැනි ක්‍රියාවක් සිදුකළ බවයි.