කාසිය වාසිය බංග්ලාදේශයට

එක්දින ලෝක කුසලාන තරගාවලියේ ශ්‍රී ලංකාව සහ බංග්ලාදේශය අතර තරගයේ කාසිය වාසිය හිමිකර ගැනීමට බංග්ලාදේශ නායකයා සමත් වුණා.

ඒ, අනුව ඔහු තීරණය පළමුව පන්දු යැවීමටයි.

මෙම තරගය නවදිල්ලි නුවර අරුන් ජෙට්ලි ක්‍රීඩාංගණයේ දී පැවැත්වෙනවා.

තරගය පැවැත්වෙන නවදිල්ලි නුවර වායු දූෂණය ද මේ දිනවල ඉහළ මට්ටමක පවතිනවා.

මේ අතර 2025 දී පැවැත්වෙන ශූරයින්ගේ කුසලාන තරගාවලියට සුදුසුකම් ලබාගැනීමට නම් ශ්‍රී ලංකා කණ්ඩායමට අද තරගයේ ජය අනිවාර්ය සාධකයක් වනවා.

අද තරගය සඳහා කුසල් ජනිත් සහ ධනංජය ද සිල්වා යළි කණ්ඩායමට කැඳවා ඇති අතර, දිමුත් කරුණාරත්න සහ දුෂාන් හේමන්ත අද තරගය සඳහා එක්වන්නේ නැහැ.

මේ අතර බංග්ලාදේශ කණ්ඩායමේ ද එක් වෙනස්කමක් සිදුකර ඇති බව නායක ශකීබ් අල් හසන් සඳහන් කර සිටියා.