පහළ වායුගෝලීය කැළඹීලි සහගත තත්ත්වය ශ්රී ලංකාව ආසන්නයේ තවදුරටත් පවතී.
බස්නාහිර, සබරගමුව, මධ්යම, වයඹ සහ උතුරු පළාත්වලත් අනුරාධපුර, ගාල්ල, සහ මාතර දිස්ත්රික්කවලත් විටින් විට වැසි ඇතිවේ.
බස්නාහිර, සබරගමුව, මධ්යම, වයඹ සහ උතුරු පළාත්වල ඇතැම් ස්ථානවලට ඇතැම් ස්ථානවලට මි.මී. 75 ට වැඩි තරමක් තද වැසි ඇතිවිය හැක.
ඌව, සහ නැගෙනහිර පළාත්වල සවස් කාලයේදී හෝ රාත්රී කාලයේදී තැනින් තැන වැසි හෝ ගිගුරුම් සහිත වැසි ඇතිවිය හැක.
ගිගුරුම් සහිත වැසි සමග ඇතිවිය හැකි තාවකාලික තද සුළං වලින් සහ අකුණු මඟින් සිදු වන අනතුරු අවම කර ගැනීමට අවශ්ය පියවර ගන්නා ලෙස ජනතාවගෙන් කාරුණිකව ඉල්ලා සිටිනු ලැබේ.
දෘශ්ය ලෙස සූර්යයා දකුණට ගමන් කිරීමේදී, අගෝස්තු මස 28 වන දින සිට සැප්තැම්බර් 07 දක්වා ශ්රී ලංකාව ආසන්න අක්ෂාංශ වලට සෘජුවම ඉහලින් පවතී. අද දින (01) දින දහවල් 12:10 ට කල්පිටිය, දුනුපොතගම (අනුරාධපුර දිස්ත්රික්කය), උට්ටිමඩුව, නිකවැව (පොලොන්නරුව දිස්ත්රික්කය), වෙල්ලායි (ත්රිකුණාමලය දිස්ත්රික්කය) සහ වෙරුගල් (ත්රිකුණාමලය දිස්ත්රික්කය) යන ප්රදේශවලට හිරු මුදුන්ව පවතී.
