කාබනික කෘෂිකර්ම ප්‍රතිපත්තිය ඉදිරියටත් රජය විසින් පවත්වාගෙන යන බව කෘෂිකර්ම අමාත්‍ය මහින්ද අමරවීර පවසනවා.
ලබන මහ කන්නයේ දී වගාකරන කුඹුරුවලින් 30%ක් කාබනික වගාවට නිර්දේශ කරන බවයි කෘෂිකර්ම අමාත්‍යවරයා සඳහන් කළේ.
ඒ, සඳහා වන නිර්දේශ දැනටමත් ලබාදී ඇති බව ද අමාත්‍යවරයා වැඩිදුරටත් සඳහන් කර සිටියා.
ප්‍රමිතිය පරීක්ෂා කිරීමකින් තොරව කිසිඳු කාබනික පොහොර වර්ගයක් සඳහා අනුමැතිය ලබා නොදීමට තීරණය කළ බවයි ඔහු පැවසුවේ.
එමෙන්ම ලබන මහ කන්නයේ දී කාබනික වගාවෙහි යෙදෙන ගොවීන්ට කාබනික පොහොර මිල දී ගැනීම සඳහා සහනාධාර මුදලක් ලබාදීමටත් පියවර ගන්නා බව සඳහන් කළ අමාත්‍යවරයා අවශ්‍ය කාබනික පොහොර තෝරා ගැනීමේ අයිතිය ගොවීන්ටම ලබාදෙන බව සඳහන් කළා.
ගොවීන් මිලදී ගත යුතු කාබනික පොහොර රජය බලහත්කාරයෙන් තීරණය නොකරන බවත් අමාත්‍යවරයා දන්වා සිටියා.
ඔබේ ප්‍රතිචාරය කුමක්ද ?
+1
+1
+1
+1
+1
+1
+1
2
