ක්‍රිකට් පිටියේ පසමිතුරන්ගේ සටන අද රාත්‍රියේ

20-20 ලෝක කුසලාන තරගාවලියේ තවත් තියුණු තරගයක් අද (09) රාත්‍රියේ පැවැත්වෙනවා.

පාකිස්ථානය සහ ඉන්දියාව අතර පැවැත්වෙන මෙම තරගය කෙරෙහි ලොවපුරා ක්‍රිකට් ප්‍රේක්ෂකයින්ගේ වැඩිම අවදානයක් ලක්ව තිබෙනවා.

තරගාවලියේ ‘ඒ’ කාණ්ඩය යටතේ පැවැත්වෙන මෙම තරගය මෙරට වේලාවෙන් අද (09) රාත්‍රී 8.00ට ආරම්භ වනවා.

නිව්යෝර් හි නසාවු ක්‍රිකට් ක්‍රීඩාංගණයේ දී මෙම තරගය පැවැත්වෙන අතර, නසාවු තණතීරුව සම්බන්ධයෙන් ඇත්තේ ගැටලුකාරී තත්ත්වයක්.

ඉන්දියාව සහ පාකිස්ථානය මෙවර ලෝක කුසලාන තරගාවලියේ මූලික එක් තරගයකට බැඟින් සහභාගී වී ඇති අතර, ඉන් පාකිස්ථාන සහභාගී වූ තරගය ඇමරිකාව හමුවේ පරාජයට පත් වුණා.

ඉන්දියාව සහභාගී වූ පළමු තරගය අයර්ලන්තය පරදා ජයග්‍රහණය කරමින් මේ වනවිට ජයග්‍රාහී මානසික මට්ටමක පසුවනවා.

මේ අතර මෙම තරගයේ ප්‍රවේශ පත් සියල්ලම මේ වනවිට අලෙවී වී අවසන් බවයි ඇමරිකාවෙන් වාර්තා වන්නේ.

ඉන්දු පාකිස්ථාන තරගය සඳහා නිකුත් කර ඇති ප්‍රවේශපත්වලට ඉහළ වටිනාකමක් ලබාදීමට අයි.සී.සීය කටයුතු කර ඇති අතර, ප්‍රවේශපත්‍රයක අවම මිල ලෙස දැක්වෙන්නේ ඇමරිකානු ඩොලර් 175ක් ලෙසයි.

ඊට අමතරව ඩොලර් 300, 400, ඩොලර් 1,500 සහ 2,000 යන මිල ගණන්වලට ද මෙම තරගයේ ප්‍රවේශපත් වෙන්කර තිබෙනවා.