නිමාවට පත් වූ අධ්යයන පොදු සහතික පත්ර සාමාන්ය පෙළ විභාග කාලසීමාවේදි විභාග මධ්යස්ථානවලට හානි කිරීමේ සිදුවීම් සම්බන්ධයෙන් විභාග දෙපාර්තමේන්තුව වාර්තාවක් කැඳවා තිබෙනවා.
විභාග කොමසාරිස් ජනරාල් අමිත් ජයසුන්දර පැවසුවේ විභාග මධ්යස්ථාන තුළ විනය විරෝධීව හා කලහකාරීව හැසිරුණු අපේක්ෂකයින්ගේ තොරතුරු සමග එම වාර්තාවන් ලබාදෙන ලෙස ශාලාධිපතිවරුන් වෙත දැනුම් දි ඇති බවයි.
විභාග මධ්යස්ථාන තුළ විනය විරෝධී හා කලහකාරී ලෙස හැසිරුණු විභාග අපේක්ෂකයින්ට එරෙහිව දැඩිව නීතිය ක්රියාත්මක කරන බවද විභාග කොමසාරිස් ජනරාල්වරයා කියාසිටියා.
එවැනි සිදුවීම් කිහිපයක් පිළිබඳ තමන්ට මේ වනවිටත් තොරතුරු ලැබී ඇති අතර ඒ සම්බන්ධයෙන් දැනටමත් විමර්ශන ආරම්භ කර ඇති බව ඔහු සදහන් කළා.
විභාග මධ්යස්ථාන තුළ විනය විරෝධී හා කලහකාරී ලෙස හැසිරීම බරපතල වරදක් වන බවයි මෙහිදී ප්රකාශ කෙරුණේ.
එවැනි විභාග අපේක්ෂකයන්ගේ ප්රතිඵල අත්හිටුවීමට පවා මීට පෙර ක්රියාමාර්ග ගෙන ඇති බව ද විභාග කොමසාරිස් ජනරාල්වරයා පෙන්වා දී තිබෙනවා.
මේ අතර විභාග මධ්යස්ථානවලදි වෙනත් පාසල්වල සිසුන්ට පහරදීමේ සිදුවීම් කිහිපයක් ද වාර්තා වී තිබුණා.
විභාගය අවසන් වන තෙක් ඊට අදාළ සැකකරුවන් සම්බන්ධයෙන් දැඩි නීතිමය ක්රියාමාර්ග නොගත් නමුත් විභාගය අවසන් වූ පසු අවශ්ය නම් ඔවුන් අත්අඩංගුවට ගන්නා ලෙස පොලිසියට දැනුම්දි ඇති බවයි විභාග කොමසාරිස් ජනරාල්වරයා වැඩිදුරටත් සඳහන් කළේ.
