යාපනය, වඩුකොඩ්ඩෙයි පොලිස් වසමේ නිවසකට ඊයෙ (05) රාත්‍රියේ තියුණු ආයුධ ගත් කල්ලියක පහරදීමක් හේතුවෙන් එහි නිවැසියන් සහ ගම්වාසීන් පිරිසක් ආරක්ෂාව ඉල්ලා වඩුක්කොඩ්ඩෙයි පොලිස් ස්ථානය අසළට පැමිණ සිටියා.
නාඳුනන පුද්ගලයින් 06 දෙනෙකු විසින් මෙම පහරදීම සිදුකර ඇති අතර, එක් කාන්තාවක් තුවාල ලබා යාපනය ශික්ෂණ රෝහලට ඇතුළත් කෙරුණා.
එහිදී අදාළ නිවැසියන්ගේ කෑ ගැසීම හේතුවෙන් අසල්වාසීන්ගේ පැමිණීමත් සමඟ පහරදීමට පැමිණි පිරිස් පලාගොස් තිබුණා.
පහරදීමෙන් බියට පත් නිවසේ සෙසු සාමාජිකයින් සහ අසල්වාසීන් රැසක් වඩුකොඩ්ඩෙයි පොලිස් ස්ථානය අසළ මාර්ගයට පැමිණ තිබෙනවා.
එහිදී අදාළ තියුණු ආයුධ ගත් පිරිස් වහාම අත්අඩංගුවට ගන්නා ලෙසටත්, එසේ නොවන්නට තමන්ට නිවසට ගොස් සිටීමට නෙහැකි බවටත්, තමන්ට කිසිඳු ආරක්ෂාවක් නොමැති බවටත්, ගම්වාසීන් පොලීසියට පවසා තිබුණා.
පසුව වඩුක්කොඩ්ඩෙයි පොලිසිය විසින් ගම්වාසීන් සමග සාකච්ඡා කොට ඊයේ (05) රාත්‍රියේම විශේෂ සෝදිසි මෙහෙයුමක් දියත් කළ අතර, මේ වන විට අදාළ පහරදීම සම්බන්ධයෙන් එක් අයෙකු සැකපිට අත්අඩංගුවට ගෙන තිබෙනවා.
