කටුනායක ගුවන් තොටුපොළ රේගුවේ පැමිණීමේ පර්යන්තයට රුපියල් කෝටි 05ක් වටිනා අති නවීන ස්කෑන් යන්ත්ර දෙකක් ස්ථාපිත කිරීමට පියවර ගෙන තිබෙනවා.
මෙම යන්ත්ර දෙක මගින් දිනකට කටුනායක ගුවන් තොටුපොළ වෙත පැමිණෙන ගුවන් මගීන් 20,000 කට තම ගමන් මළු වඩාත් කඩිනමින් නිශ්කාශනය කර රැගෙන යාමට හැකි වන අතර, ශ්රී ලංකා රේගුවට මෙම යන්ත්ර දෙක ලැබීමත් සමඟ වඩාත් කාර්යක්ෂම සේවාවක් සැපයීමේ අවස්ථාව ද උදාවනවා.
ජර්මනියේ නිෂ්පාදිත මෙම ස්කෑන් යන්ත්ර මගින් ගුවන් මගීන් රැගෙන එන ගමන් මළු තුළ ඇති භාණ්ඩවල ත්රිමාන දර්ශන ලබාගත හැකි වීම විශේෂත්වයක් .
මෙම යන්ත්ර දෙක ව්යාපාරිකයන් සදහා වන “රක්ත මාවත” සහ කිසිවක් ප්රකාශ කිරීමට නොමැති “හරිත මාවත ” ආරම්භක ස්ථානවල ස්ථාපිත කර තිබෙනවා.
මෙම යන්ත්ර පළමුවරට ක්රියාත්මක කරන අවස්ථාව වෙනුවෙන් නව රේගු අධ්යක්ෂ ජනරාල් සීවලී අරුක්ගොඩ අද (02) සහභගීව සිටියා.
