නීතිවිරෝධී අවයව ජාවාරම වැළැක්වීම සඳහා ඔස්ට්රෙලියානු සෙනෙට් සභාව පසුගිය සතියේ නව පනතක් සම්මත කර තිබෙනවා.
මෙම පනත් කෙටුම්පත තවදුරටත් විවාදය සඳහා නියෝජිත මන්ත්රී මණ්ඩලය වෙත ගෙන යනු ඇති.
නීති සම්පාදනය 1958 සංක්රමණ පනත සංශෝධනය කර ඇති බව ද වාර්තා වනවා.
මුහුදු හෝ ගුවනින් ඔස්ට්රෙලියාවට ඇතුළු වන හෝ ආපසු පැමිණෙන පුද්ගලයින් පසුගිය වසර පහ තුළ විදේශයන්හි අවයව බද්ධ කිරීමක් සිදු කර ඇත්ද යන්න පැමිණෙන මගී කාඩ්පතේ හෙළි කළ යුතුයි.
අවයව බද්ධ කළ ඇති බව හෙළි කර ඇත්නම්, බද්ධ කිරීම සිදුවූ රට, ප්රාන්තය සහ ප්රදේශය සහ සැත්කම සිදු කළ වෛද්ය මධ්යස්ථානයේ නම හෙළි කරන ලෙස ඉල්ලා සිටින බව ද මාධ්ය වාර්තා කරනවා.
මෙම පනත ප්රථම වරට සෙනෙට් සභාවට ඉදිරිපත් කරන ලද්දේ පසුගිය වසරේ (2023) ජුනි මාසයේදීයි.
මීට සමාන පනත් ගෙන ඒමට එක්සත් රාජධානිය සහ කැනඩාව ද කටයුතු කරමින් සිටිනවා.
පනත් කෙටුම්පත ඉදිරිපත් කළ ඔස්ට්රේලියානු සෙනෙට් සභික ඩීන් ස්මිත් ප්රකාශ කළේ, මෙය නීති විරෝධී සහ සදාචාර විරෝධී අවයව ජාවාරම් පිළිබඳ වර්ධනය වන වෙළඳාමට එරෙහිව ඔස්ට්රෙලියාවේ උත්සාහයන් ධෛර්යමත් කිරීම සඳහා දශක කිහිපයකින් ගත් වැදගත්ම පියවරක් බවයි.
