උතුරු මැද පළාත් හිටපු ප්රධාන අමාත්ය එස්.එම්. රංජිත් සහ ඔහුගේ පුද්ගලික ලේකම්වරිය ලෙස කටයුතු කළ ශාන්ති චන්ද්රසේනට යන අය විසින් තමන්ට කොළඹ මහාධිකරණය විසින් ලබා දී තිබෙන සිර දඬුවම් නියෝගයන් සම්බන්ධයෙන් අභියාචනාධිකරණයේ ගොනු කර ඇති අභියාචනාවන්ට යටත්ව, තමන්ව ඇප මත මුදාහරින ලෙස ගොනු කර ඇති ඇප ඉල්ලීම් ලබන සැප්තැම්බර් මස 09 වනදා සලකා බැලීමට කොළඹ මහාධිකරණ විනිසුරු සහන් යාපා බණ්ඩාර මහතා අද (25) නියෝග කළා.
එම ඇප ඉල්ලීමට අදාළ ලේඛන විත්තියේ නීතීඥවරුන් විසින් පැමිණිල්ලේ ලේකම්වරුන් වෙතට අද (25) භාර දුන්නා.
2012 සැප්තැම්බර් මස 27 දින සිට 2014 දෙසැම්බර් 31 වන දින දක්වා උතුරු මැද පළාත් ප්රධාන අමාත්ය ධුරය දරණ සමය තුළ තම පුද්ගලික ලේකම්වරිය වන නඩුවේ දෙවන විත්තිකාරියට රුපියල් ලක්ෂ 26ක ඉන්ධන දීමනාවක් සලසාදීම වෙනුවෙන් සහ එම දීමනාව ලබාගැනීම ඇතුළු චෝදනා යටතේ අල්ලස් හා දූෂණ විමර්ශන කොමිසම් සභාව විසින් පවරා තිබූ නඩුවක් විභාග කළ කොළඹ මහධිකරණය එම චෝදනාවලට වරදකරු වූ විත්තිකරුවන්ට බරපතළ වැඩ සහිත වසර 16 බැගින් සිර දඬුවම් සහ දඩ නියම කළා.
