එක් පක්ෂයකට ඡන්ද දෙන්න යැයි තැපැල් ඡන්ද මධ්‍යස්ථානයකින් බලපෑම්

දෙවැනි දිනටත් අද (01) පැවැත්වෙන පාර්ලිමේන්තු මහ මැතිවරණයේ තැපැල් ඡන්ද සලකුණු කිරීමේ කටයුතු ඉතා සාමකාමී ව දිවයිනේ මැතිවරණ කොට්ඨාස 22ක් පදනම් කරගනිමින් ක්‍රියාත්මක වන අතර අද දිනයේ දී මෙතෙක් එක් පැමිණිල්ලක් පමණක් මැතිවරණ නීති උල්ලංඝනය කිරීම් සම්බන්ධයෙන් ලැබී ඇති බව පැෆ්රල් සංවිධානයේ විධායක අධ්‍යක්ෂ රෝහණ හෙට්ටිආරච්චි මහතා පවසනවා.

විධායක අධ්‍යක්ෂවරයා පවසන්නේ එක් ඡන්ද මධ්‍යස්ථානයක මැතිවරණ කටයුතු භාර ව සිටින නිලධාරීන් විසින් ඡන්දදායකයින් හට එක් පක්ෂයකට ඡන්දය ලබාදෙන ලෙසට බලපෑම් කර ඇති බවයි.

මෙම සිදුවීම් ගම්පහ දිස්ත්‍රික්කයේ පිහිටි තැපැල් ඡන්ද මධ්‍යස්ථානයකින් වාර්තා වී තිබෙනවා.

මේ සම්බන්ධයෙන් පැෆ්රල් සංවිධානය විසින් මැතිවරණ කොමිෂන් සභාවට දැනුම්දෙනු ලැබූ බවයි වාර්තා වන්නේ.

මේ අතර මේ දක්වා මැතිවරණ පැමිණිලි 1142ක් වාර්තා වී ඇති බවත් ඒවා ප්‍රචණ්ඩකාරී නොවන පැමිණිලි බවත් පැවසෙනවා.