අද අලුයම ජනාධිපති ගෝඨාභය රාජපක්ෂ මාලදිවයින වෙත ගිය බව අනාවරණය වුණා.
පසුගියද දිනකද කථානායකවරයා විසින් මාධ්‍යට පවසා තිබුණේ ජනාධිපතිවරයා මෙරටින් පිටව ගිය බවයි. හැබැයි ඊට ටික වෙලාවකින් පස්සේ ඔහුම නැවතත් කියා සිටියේ ජනාධිපතිවරයා මෙරටින් පිටව ගොස් නැති බවත් එය තමාට කියවුණු බවත්ය.
ඒ වගේම ජනාධිපතිවරයා තමා සමග නිතරම තොරතුරු හුවමාරු කරගන්නා බවත් ඔහු පැවසුවා.
තවද පසුගිය දිනක කථානායකවරයා විසින් නිල වශයෙන් ප්‍රකශ කළේ 13 වැනිදා එනම් අද දින ජනාධිපතිවරයා ඉල්ලා අස්වන බවට තමාට ප්‍රකාශ කළ බවයි.
ඒ වගේම අගමැති රනිල් වික්‍රමසිංහද ඉල්ලා අස්වන බව පවසා තිබුණා.
කොහොම වුණත් මේ දෙදෙනාම තවමත් ඉවත්වී නැහැ. එය එසේ තිබියදී අද රනිල් වික්‍රමසිංහ විශේෂ ප්‍රකාශයක් සිදුකළා.
ඒ වගේම කථානායකවරයාත් අද විශේෂ ප්‍රකාශයක් කළා.
මේ ගැන හොඳින් සොයා බැලූ අපට දැනගන්න ලැබුණේ කථානායකවරයා සහ වැඩ බලන ජනාධිපති ලෙස පත්වූ රනිල් වික්‍රමසිංහ යන දෙදෙනාම එකම ස්ථානයක සිට අවස්ථා දෙකකදී ප්‍රකාශ සිදුකළ බවයි..
එකම ටෙලි නාට්‍යයක චරිත දෙකක් පිටපතකට අනුව රඟ දක්වන බව මෙය කඳිම නිදසුනක්.
මොවුන්ගේ මේ නාටකතුලින් ජනතාව හැමදාම රැවටූවා සේ අදත් එම ක්‍රියාවම සිදුකරන බවත් මෙය මනාවට පැහැදිලි කරනවා.
