එංගලන්ත – කොදෙව් තීරණාත්මක තරගයක් අද

සංචාරක එංගලන්තය සහ බටහිර ඉන්දීය කොදෙව් කණ්ඩායම අතර පැවැත්වෙන තුන්වැනි පන්දුවාර 20 ක්‍රිකට් තරගය අද (15) පැවැත්වෙනවා.

තව පැයකටත් අඩු කාලයකින් මෙම තරගය ආරම්භ වන්නේ Gros Islet හි දී.

දෙරට අතර පැවති පළමු හා දෙවැනි පන්දුවාර 20 තරග ද්විත්වයෙන් ම ජය එංගලන්තය තමන් සතු කරගත්තා.

පළමු තරගය එංගලන්තය කඩුලු 08කින් සහ දෙවැනි තරගය කඩුලු 07කින් ඔවුන් කොදෙව්වන්ව පරාජයට පත් කළා.

අද තරගය ජය ගැනීම දෙපාර්ශ්වයට ම තීරණාත්මක වනු ඇති.

ඊට හේතුව වන්නේ එංගලන්තය තරගය ජයගතහොත් කොදෙව් දේශයේ දී කොදෙව්වන්ට එරෙහිව පන්දුවාර 20 තරගාවලියක් එංගලන්තයට ජය ගැනීමට හැකි වීමයි.

කොදෙව්වන් ජයගතහොත් තරගාවලි ජයග්‍රහණය ගැන යම් තාක් දුරකට ඔවුන්ට තවදුරටත් බලපොරොත්තු තබා ගත හැකි වනවා.