එළඹෙන ටෙස්ට් ශූරතා තරගාවලියට සමගාමී ව පැවැත්වෙන එංගලන්ත – ශ්‍රී ලංකා ටෙස්ට් තරගාවලිය සඳහා එක් වන ශ්‍රී ලංකා ටෙස්ට් සංචිතය නම් කර තිබෙනවා.
ධනංජය ද සිල්වාගේ නායකත්වයෙන් යුත් ක්‍රීඩකයින් 15 දෙනෙකුගෙන් සමන්විත සංචිතයට; දිමුත් කරුණාරත්න, නිශාන් මධුෂ්ක, පැතුම් නිස්සංක, කුසල් මෙන්ඩිස්, ඇන්ජලෝ මැතිව්ස්, දිනේෂ් චන්දිමාල්, කමිඳු මෙන්ඩිස්, සදීර සමරවික්‍රම, අසිත ප්‍රනාන්දු, විශ්ව ප්‍රනාන්දු, කසුන් රාජිත, ළහිරු කුමාර, රමේෂ් මෙන්ඩිස්, නිසල තාරක, ප්‍රභාත් ජයසූරිය, ජෙෆ්‍රි වැන්ඩර්සේ සහ මිලාන් රත්නායක එක් කර ඇති බවයි ශ්‍රී ලංකා ක්‍රිකට් ආයතනය නිවේදනය කළේ.
එංගලන්තට එරෙහිව ආරම්භ වීමට නියමිත තරග 03කින් යුත් ටෙස්ට් ක්‍රිකට් තරගාවලියට සහභාගී වන ශ්‍රී ලංකා සංචිතය අද (07) නම්කර තිබෙනවා.
අද දිනයේ දී මෙම සංචිතය සඳහා ක්‍රීඩා අමාත්‍යවරයාගේ අනුමැතිය හිමි වූ බව ද ශ්‍රී ලංකා ක්‍රිකට් ආයතනය පවසනවා.
ඒ අනුව එළඹෙන අගෝස්තු මස 21 වැනි දින තරග තුනකින් සමන්විත ටෙස්ට් තරගාවලිය මැන්චෙස්ටර් නුවර දී ආරම්භ වනු ඇති.
