මයික්රෝ වර්ගයේ පිස්තෝලයක් සමඟ විදේශගතව සිටින සංවිධානාත්මක අපරාධකරුවකුගේ ගෝලයකු අත්අඩංගුවට ගෙන තිබෙනවා.
දසත ප්රාදේශීය වාර්තාකරු පැවසුවේ ඌරගස්මංහන්දිය පොලිස් ස්ථානාධිපතිවරයාට ලද තොරතුරකට අනුව ඌරගහමහේ දණ්ඩ මාර්ගයේ කොරකීන ප්රදේශයේ දී මෝටර් රථයක් පරීක්ෂා කිරීමේ දී මෙම ගිනිඅවිය සහ අයිස් ග්රෑම් 05කුත් මිලිග්රෑම් 500ක් සහ මුදලින් රුපියල් 100,000ක් පොලිස් අත් අඩංගුවට ගැනුණු බවයි.
අත්අඩංගුවට ගත් සැකකරු දැනට විදේශගතව සිටින සංවිධානාත්මක අපරාධකරුවකු වන ඌරගහ මයිකල්ගේ ගෝලයකු මෙන්ම ඔහුගේ ප්රධාන වෙඩික්කරු බවත් හෙළි ව තිබෙනවා.
මෙම සැකකරු ඌරගහ, ඇල්පිටිය, කරන්දෙනිය, බද්දේගම, හික්කඩුව, අම්බලන්ගොඩ, කොස්ගොඩ, අලුත්ගම හා බෙන්තොට ආදී ප්රදේශවල මත්ද්රව්ය ජාවාරමේ යෙදෙන අයෙක් බවට තොරතුරු අනාවරණය වී ඇති බවයි වාර්තා වන්නේ.
මොහු මීට මාස කීපයකටකට පෙර රක්ෂිත බන්ධනාගාර ගත වී ඇප ලබා පැමිණි අයෙක් වන අතර මනුෂ්ය ඝාතන, මනුෂ්ය ඝාතන සිදු කිරීමට තැත් කිරීම හා මත්ද්රව්ය අලෙවි කිරීම සම්බන්ධ චෝදනා යටතේ අධිකරණයට ඉදිරිපත් කර රක්ෂිත බන්ධනාගාර ගතව සිටි අයෙක්.
අත්අඩංගුවට ගස් සැකකරු 42 හැවිරිදි නිලෙන්ති ධනුශ්ක ද සිල්වා නමැති කරන්දෙනිය – අනුරුද්දගම පදිංචිකරුවෙක්.
සැකකරු ඇල්පිටිය මහේස්ත්රාත් අධිකරණයට ඉදිරිපත් කිරීමට නියමිතයි.
