මෙවර උසස් පෙළ හදාරා අවසන් කරන පාසල් සිසු සිසුවියන්ට තොරතුරු තාක්ෂණය හා ඉංග්රීසි භාෂා දැනුම සහිත ව වෘත්තීය අධ්යාපනය පිළිබඳ ප්රායෝගික පුහුණුවක් සහ න්යායාත්මක පෙරහුරුවක් සහිත වැඩසටහනක් පෙබරවාරි මාසයේ සිට ලබාදීමට පියවර ගන්නා බව අධ්යාපන අමාත්ය ආචාර්ය සුසිල් ප්රේමජයන්ත පවසනවා.
අමාත්යවරයා සඳහන් කරන්නේ, අපොස උසස් පෙළ අධ්යාපනය අවසන් කරන ශිෂ්ය ශිෂ්යාවන් වෘත්තීය අධ්යාපනයට යොමු කිරීමේ අරමුණින් මෙම වෘත්තීය පුහුණු වැඩසටහන දිවයිනේ තෝරාගත් පාසල් 299ක දී ක්රියාවට නංවන බවයි.
2024 ජනවාරි මස අපොස උසස් පෙළ විභාගය සඳහා පෙනී සිටින ශිෂ්ය ශිෂ්යාවන්ට 2024.02.09 දිනට පෙර මෙම වැඩසටහනට ලියාපදිංචි විය හැකි බවත්, මේ සම්බන්ධ වැඩිදුර තොරතුරු ප්රාදේශීය ලේකම් කාර්යාලයේ නිපුණතා සංවර්ධන නිලධාරීන්ගෙන් ලබාගත හැකි බවත් අමාත්යවරයා වැඩිදුරටත් සඳහන් කළා.
අමාත්යවරයා මේ අදහස් පළ කළේ, අධ්යාපන අමාත්යාංශයේ නිපුණතා සංවර්ධන වෘත්තීය අධ්යාපන, පර්යේෂණ හා නව නිපැයුම් අංශය විසින් සංවිධානය කරන මෙම විශේෂ වෘත්තීය මාර්ගෝපදේශන වැඩසටහන සම්බන්ධයෙන් අධ්යාපන අමාත්යාංශයේ දී පැවති වැඩසටහනකට එක්වෙමින්.
