රුසියාවේ හිටපු ශ්රී ලංකා තානාපති උදයංග වීරතුංගට සහ ශ්රී ලංකන් ගුවන් සේවයේ හිටපු ප්රධාන විධායක නිලධාරී කපිල චන්ද්රසේන යන අයට එක්සත් ජනපද රාජ්ය දෙපාර්තමේන්තුව මඟින් සම්බාධක පනවා තිබෙනවා.
ඔවුන් සිදුකර ඇති බවට සැලකෙන මූල්ය වංචා සම්බන්ධයෙන් මෙම සම්බාධක පනවා ඇති බවයි වාර්තා වුණේ.
ඒ අනුව එක්සත් ජනපද රාජ්ය දෙපාර්තමේන්තුවේ 7031(c)වගන්තිය යටතේ මෙම පුද්ගලයින් දෙදෙනාට සහ ඔවුන්ගේ පවුල්වල සාමාජිකයින්ට එරටට ඇතුළුවීම තහනම් කර තිබෙනවා.
රුසියාවේ ශ්රී ලංකා තානාපතිවරයා ලෙස උදයංග වීරතුංග කටයුතු කරන සමයේ ශ්රී ලංකා ගුවන් හමුදාවට මිග් යානා මිලදී ගැනීමේ දූෂිත වැඩපිළිවෙළක් ක්රියාත්මක කළ බවට එල්ලවන චෝදනා යටතේ ඔහුට මෙම සම්බාධක පනවා ඇති බව සඳහන්.
ශ්රීලංකන් ගුවන් සේවයේ හිටපු ප්රධාන විධායක නිලධාරී කපිල චන්ද්රසේන එයාර්බස් ගුවන් යානා මිලට ගැනීමේදී අල්ලස් ලබාගත් බවට චෝදනා එල්ල වී තිබීම ඔහුට මෙම සම්බාධක පැනවීමට හේතු වී තිබෙනවා.
