විවිධ ආරක්ෂක හේතූන් මත ආරක්ෂක අංශ වෙත පවරාගෙන ඇති උතුරේ ජනතාවගේ ඉඩම් යළි එම ජනතාව වෙත ලබාදෙන බව ජනාධිපති අනුර කුමාර දිසානායක පවසනවා.
ජාතික ජන බලවේගයේ ජයග්‍රාහී වව්නියාව ජනතා රැළිය අද (10) දහවල් අමතමින් ජනාධිපතිවරයා මේ බව පැවසුවා.
එමෙන්ම සිරගත කර සිටින දේශපාලන සිරකරුවන් නීතිපතිවරයාගේ උපදෙස් මත නිදහස් කිරීමට ද කටයුතු කරන බවයි ජනාධිපතිවරයා මෙහිදී වන්නි දිස්ත්‍රික් ජනතාවට පොරොන්දු ලබාදුන්නේ.
මෙහිදී වැඩිදුරටත් අදහස් දක්වමින් ජනාධිපති අනුර කුමාර දිසානායක පවසා සිටියේ උතුරේ ධීවර ජනතාවගේ අයිතිය ආරක්ෂා කර ගැනීම සඳහා ගත හැකි සෑම පියවරක්ම ගන්නා බවයි.
එමෙන්ම රටේ ස්වභාවික සම්පත් තුට්ටු දෙකට විකිණීමට එළඹෙන ඇති ගිවිසුම් යළි සංශෝධනය කරන බව ද ජනාධිපතිවරයා මෙම ජන රැළිය අමතමින් පැවසුවා.
ඔබේ ප්‍රතිචාරය කුමක්ද ?
+1
+1
+1
+1
+1
+1
+1
