ඊශ්රායල ආරක්ෂක අංශ එල්ල කළ ගුවන් ප්රහාරයකින් ගාසා තීරයෙහි තිබූ සරණාගත කඳවුරක සිටි පුද්ගලයින් 50 දෙනෙකු ජීවිතක්ෂයට පත්ව තිබෙනවා.
ගාසා තීරයේ රෝහල් ප්රධානියා අල් ජසීරා පුවත් සේවයට මේ බව තහවුරු කර ඇති බවයි රොයිටර්ස් වාර්තා කරනවා.
මෙම ප්රහාරය සම්බන්ධයෙ ඊශ්රායලය කියා සිටියේ; ගාසා තීරයට යටින් ඇති හමාස් සටන්කාමීන්ගේ දැවැන්ත උමං ජාලය විනාශ කිරීමේ අරමුණින් මෙම ප්රහාර දියත් කරන බවයි.
එම අවස්ථාවේ දී සරණාගත කඳවුරකට ගුවන් ප්රහාරයක් එල්ල වූ බවත් ඔවුන් සඳහන් කර ඇති අතර; ඉන් පලස්තීනුවන් 50කට අධික සංඛ්යාවක් මියයන්නට ඇතැයි ද තමන් විශ්වාස කරන බව ද සඳහන් කරනවා.
ගාසා තීරයේ හමාස් පාලනය කුඩා කුඩා කේන්ද්රීය ස්ථාන හි පවතින පලස්තීන භූමි වෙතට එල්ල කරන ඊශ්රායල ප්රහාර දරුණු බවත්, කිසිලෙසකින් හෝ මෙම සටන නොනවත්වන බවටත් ඊශ්රායලය අවධාරණය කර තිබෙනවා.
ඊශ්රායලයේ අග්රාමාත්යා බෙන්ජමින් නෙතන්යාහු සඳහන් කර ඇත්තේ; සටන නවත්වන ලෙසට තමන්ට ජාත්යන්තරයෙන් පවා ඉල්ලීම් සිදු කර තිබුණ ද, ඊට ඇහුම්කන් දීමට හැකියාවක් නොමැති බවයි.
නමුත් එක්සත් ජාතීන්ගේ සහ අනෙකුත් සහන ආධාර නිලධාරීන් අනතුරු ඇඟවූයේ ගාසා තීරයේ මහජන සෞඛ්ය ව්යසනයක් සිවිල් වැසියන් ගිල ගනිමින් සිටින බවත්, රෝහල්වල වැඩිවන මරණවලට මුහුණදීමට
අහිංසක ජීවිත සමගින් පොරබදමින් සිටින බවත්; එබැවින් යුද්ධය සමථයකට පත් කිරීම වැදගත් වනු ඇති බවයි.
ගාසා හි ඉන්දුනීසියානු රෝහලේ අධ්යක්ෂ අල් ජසීරාට පැවසුවේ උතුරු ගාසා තීරයේ ජබාලියා සරණාගත කඳවුරේ ජනාකීර්ණ ප්රදේශයකට එල්ල වූ ඊශ්රායල ගුවන් ප්රහාරවලින් පලස්තීනුවන් 50කට වැඩි පිරිසක් මිය ගොස් 150කට වැඩි පිරිසක් තුවාල ලබා සිටින බවයි.
