මැදපෙරදිග පවතින තත්ත්වය මධ්යයේ රටේ ඉන්ධන සැපයුමට කිසිඳු බාධාවක් නොමැති බව ලංකා ඛනිජ තෙල් නීතිගත සංස්ථාව පවසනවා.
ඛනිජ තෙල් නීතිගත සංස්ථාවේ සභාපති ආනන්ද රාජකරුණා සඳහන් කරන්නේ දැනට මාසයකට ප්රමාණවත් ඉන්ධන සංචිත ඛනිජ තෙල් නීතිගත සංස්ථාව සතුව ඇති බවයි.
මෙම මාසය සඳහා සැලසුම් කර ඇති ඉන්ධන ආනයන හෝමූස් කලාපය හරහා නොව ඉන්දියාව සහ සිංගප්පූරුව හරහා පැමිණෙන බව ඔහු වැඩිදුරටත් සඳහන් කළා.
විකල්ප සැපයුම් විධිවිධාන දැනටමත් සුරක්ෂිත කර ඇති බව සඳහන් කළ සභාපතිවරයා ක්ෂණික ඉන්ධන හිඟයක් ඇතිවීමේ අවදානමක් නොමැති බවයි ඔහු අවධාරණය කළේ.
පවතින ඉන්ධන සංචිත අවම වශයෙන් මාසයක් සඳහා ජාතික ඉල්ලුම සපුරාලීමට ප්රමාණවත් බව ඔහු සහතික කළා.
ඉන්ධන බෙදා හැරීමේ ක්රියාවලිය කාර්යක්ෂම කරන බවට ඔහු සහතික වූ අතර, මහජනතාව සන්සුන්ව සිටින ලෙසත් අනවශ්ය භීතියෙන් මිලදී ගැනීමෙන් වළකින ලෙසත්, ඉන්ධන බෙදාහැරීම බාධාවකින් තොරව දිගටම පවතින බවත් අවධාරණය කර සිටියා.
