ගෝලීය මූල්‍ය ක්ෂේත්‍රය තුළ සිදු වූ ප්‍රධාන පෙරළියක් සනිටුහන් කරමින්, ඉන්දියාව ගෝලීය වශයෙන් වඩාත්ම වැදගත් කොටස් වෙළෙඳපොළ මිණුම් සලකුණුවලින් එකක් වන MSCI All-Country World Investable Market Index (MSCI AC World IMI) හි චීනය අබිබවා ගොස් තිබෙනවා.
මෙම වර්ධනය ගෝලීය කොටස් වෙළෙඳපොළ තුළ ඉන්දියාවේ ඉහළ යන ප්‍රමුඛතාව ඉස්මතු කරන අතර ශක්තිමත් ආර්ථික වර්ධනයක් සහ වෙළෙඳපොළ ඔරොත්තු දීමේ හැකියාවෙන් මෙහෙයවනු ලබන ආයෝජක විශ්වාසය ඉන්දියාව දෙසට මාරුවීමේ පුළුල් ප්‍රවණතාවක් පිළිබිඹු කරනවා.
MSCI AC World IMI යනු ගෝලීය වශයෙන් ආයෝජනය කළ හැකි කොටස් සියල්ලම පාහේ නිරීක්ෂණය කරන ලොව විශාලතම කොටස් වෙළඳපොළ මිනුම් සලකුණුවලින් එකක්.
MSCI AC World IMI හි ඉන්දියාවේ කොටස චීනයේ සියයට 2.06 ඉක්මවමින් සියයට 2.33 දක්වා ඉහළ ගොස් තිබෙනවා.
ඉන්දියාවේ කොටස් වෙළෙඳපොළ, විශේෂයෙන්ම එහි Blue chip Nifty 50 දර්ශකය, මෑත මාසවල වාර්තාගත ඉහල මට්ටම් කරා ළඟා වී ඇති අතර, රටේ ශක්තිමත් GDP වර්ධනය සහ දේශීය ආයෝජනවල ස්ථාවර ගලා ඒම මගින් මෙහෙයවනු ලබනවා.
