ඉන්දීය නායකයින්ට, ආයතනවලට, ගුවන් සමාගම්වලට සහ රාජ්ය තාන්ත්රිකයින්ට නැවත නැවතත් තර්ජනය කළ ඉන්දීය විරෝධීන්ට එරෙහි ව කැනඩාව පියවර ගනු ඇතැයි ඉන්දියාව අපේක්ෂා කරන බව විදේශ කටයුතු අමාත්යාංශයේ නිල ප්රකාශක රන්දීර් ජයිස්වාල් බ්රහස්පතින්දා පැවසුවා.
කැනේඩියානු අගමැති ටෘඩෝ සහ අනෙකුත් නායකයින්ට තර්ජනය කිරීම සම්බන්ධයෙන් කැනඩාව පුද්ගලයින් දෙදෙනෙකුට චෝදනා කර ඇති බවට වන වාර්තා පිළිබඳ ප්රතිචාර දක්වමින් රන්දීර් ජයිස්වාල් මේ අදහස් පළ කළා.
”මේ වාර්තා අපි දැක්කා. නීතියේ ආධිපත්යය සහ අදහස් ප්රකාශ කිරීමේ නිදහස සම්බන්ධයෙන් විවිධ මිනුම් දණ්ඩ අනුගමනය කරන විට, එය හෙළි කරන්නේ තමන්ගේම දෙබිඩි පිළිවෙතයි,” ඉන්දීය විදේශ කටයුතු අමාත්යාංශ ප්රකාශකයා පැවසුවා.
ප්රචණ්ඩත්වය මගින් ඉන්දීය නායකයින්ට, ආයතනවලට, ගුවන් සමාගම්වලට සහ රාජ්ය තාන්ත්රිකයින්ට නැවත නැවතත් තර්ජනය කළ ඉන්දීය විරෝධීන්ට එරෙහිව ද කැනඩාව මේ හා සමාන පියවර ගනු ඇතැයි ඉන්දියාව අපේක්ෂා කරන බව ජයිස්වාල් පවසනවා.
ටෘඩෝ ඇතුළු ඉහළ පෙළේ ෆෙඩරල් නායකයින්ට මරණ තර්ජන එල්ල කළ බවට ඇප්බර්ටා හි පුද්ගලයින් දෙදෙනෙකුට පසුගියාදා චෝදනා ගොනු කරනු ලැබුවා.
ඛලිස්තාන හිතවාදීන් අවස්ථා ගණනාවක දීම ඉන්දීය ප්රජාව ඉලක්ක කර ගනිමින් විවිධ ප්රකාශ සිදු කර තිබුණා.
කැනඩාවේ හින්දු කෝවිල් කිහිපයක් ප්රහාරයට ලක් වූ අතර සමාජ මාධ්ය ඔස්සේ ඉන්දියානුවන් කෙරෙහි වෛරීසහගත ප්රකාශ සිදුකරමින් තිබෙනවා.
නමුත් කැනඩාව මේ සම්බන්ධයෙන් නිසි ක්රියාමාර්ග නොගන්නා බවට ඉන්දියාව දිගින් දිගටම චෝදනා නගනවා.
