ඉන්දියානු සාගරයේ දී පුද්ගලයින් 200ක් සමඟ නෞකාවක් ගිනි ගනී

ඉන්දුනීසියාවේ දැවැන්ත මගී යාත්‍රාවක් එක්වරම ගිනි ගැනීමකට ලක් තිබේ.

ඉන්දුනීසියාවේ ප්‍රධාන දූපතක සිට තවත් දූපතක් වෙත යාත්‍රා කරමින් සිටි මගී නෞකාවක් මෙලෙස ගිනි ගැනීමට ලක්ව තිබේ.

ඇති වූ ගින්නෙන් යාත්‍රාව විනාශයට පත්වන අවස්ථාවේ එහි සිටි කාර්යමණ්ඩලය සහ මගීන් ඇතුළු 200කට ආසන්න පිරිසක් සාගරයට පැන දිවි ගලවා ගෙන තිබේ.

අනතුරින් කිසිවෙකුටත් හානියක් සිදු නොවී ඇති බව ආරංචි මාර්ග සඳහන් කරයි.

කේ.එම්. කාරියා ඉන්ඩා නම් මෙම නෞකාව ඊයේ (29) දිනයේ දී ඉන්දුනීසියාවේ උතුරු මැලූකු පළාතේ අගනුවර වන ටර්නේට් සිට මෙම නෞකාව ඊසානදිග ඉන්දුනීසියාවේ ලීමෆටෝලා දූපතේ පිහිටි සනනා වරායට ගමන් ආරම්භ කර පැය 15කින් පමණ එම යාත්‍රාවේ එංජිම් කාමරය තුළ ගින්න හටගෙන තිබේ.

ගින්න වේගයෙන් පැතිරීමට ගෙන ඇති අතර ඉන්පසුව එය යාත්‍රාවටම පැතිර ගොස් තිබුණි. එහිදී යාත්‍රාවේ සිටි පුද්ගලයින් සියලු දෙනාට සාගරයට පැන දිවි ගලවා ගන්නැයි පවසා ඇති අතර ආරක්ෂිත ඇඳුම් ඇඳගත් බොහෝ දෙනා නෞකාවෙන් සාගරයට පනින ආකාරය දැක්වෙන වීඩියෝ පටයන්ද සමාජ මාධ්‍ය තුළ සංසරණය වෙමින් තිබේ.

ගින්න ඇති වූ වහාම අවට තිබූ ධීවර යාත්‍රා නෞකාවේ පිරිසට සහාය දීම සඳහා පැමිණ ඇති බවත් ඉන්දුනීසියානු මාධ්‍ය වාර්තා කරයි.

ගින්නෙන් නෞකාව දැඩි වශයෙන් හානියට පත්ව ඇති අතර පසුට ටග් යාත්‍රා යොදාගෙන අසළ තිබූ වරායක් වෙත නෞකාව ගෙන යෑමට වරාය බලධාරීන් කටයුතු කර තිබුණි. ගින්න හේතුව පිළිබඳව මෙතෙක් අනාවරණය වී නොමැති අතර ඒ පිළිබඳව වැඩිදුර විමර්ශන ක්‍රියාත්මක වෙමින් තිබේ.

ගිනි ගන්නා නෞකාවේ වීඩියෝ දර්ශන පහතින්,