ඔස්ට්‍රෙලියානු කඩුලු රකින ක්‍රීඩක ජොෂ් ඉන්ග්ලිස් හට පාකිස්තානයට එරෙහිව පැවැත්වෙන තෙවැනි එක්දින ක්‍රිකට් තරගයේ නායකත්වය හිමිව තිබෙනවා.
මීට පෙර එක්දින නායකත්වය ගෙන කටයුතු කළේ පැට් කමින්ස් වන අතර ටෙස්ට් තරගාවලියක් ඉදිරියේ පැවැත්වෙන බැවින් ඔහුව විවේක ගැන්වීමටයි තීරණය කර ඇත්තේ.
කමින්ස්ට අමතරව ස්ටීවන් ස්මිත්, හේසල්වුඩ්, මිචෙල් ස්ටාක්, මාර්නස් ලබුශේන්ග් අවසන් එක්දින තරගයට ක්‍රීඩා නොකර විවේක ගන්වන ලැයිස්තුවේ සිටිනවා.
සංචාරක පාකිස්තානයට එරෙහිව පැවති පළමු එක්දින තරගය කඩුලු 02කින් ඔස්ට්‍රෙලියාව ජය ගත්තා.
දෙවැනි තරගය එළඹෙන 08 වැනිදා ඇඩිලේයිඩ් හි දීත්, තුන්වැනි සහ අවසන් එක්දින තරගය 10 වැනි දින ඉන්ග්ලිස්ගේ නායකත්වයෙන් ප‍ර්ත් හිදීත් පැවැත්වෙනු ඇති.
මේ අතර ජොෂ් ඉන්ග්ලිස් යනු ඔස්ට්‍රෙලියාවේ පන්දුවාර 20 ක්‍රිකට් ආකෘතියේ නායකයායි.
ඉන්ග්ලිස් එළඹෙන 14 වැනිදා බ්‍රිස්බ්‍රේන් හිදී පැවැත්වෙන පන්දුවාර 20 ක්‍රිකට් තරගාවලිය සඳහා නායකත්වය සැපයීමට සූදානම් සිටිනවා.
පාකිස්තානයට එරෙහිව පැවැත්වෙන පන්දුවාර 20 තරග 03කින් යුත් ක්‍රිකට් තරගාවලියට මිචෙල් මාෂ් සහ ට්‍ර්වැස් හෙඩ් එක් වන්නේ නැහැ.
