ඉදිරි සති අන්තයේ කොළඹ මහනගර සභා බල ප්රදේශය තුළ ඩෙංගු මර්දනය සඳහා විශේෂ පවිත්රතා වැඩසටහනක් ක්රියාත්මක කරන බව ඩෙංගු මර්දන විශේෂඥ කමිටුවේ සභාපති, සෞඛ්ය රාජ්ය අමාත්ය විශේෂඥ වෛද්ය සීතා අරඹේපොල පවසනවා.
ඒ, අනුව නිවසේ රැඳී සිටිමින් ඒ සඳහා සහාය ලබාදෙන ලෙසයි රාජ්ය අමාත්යවරිය ජනතාවගෙන් ඉල්ලා සිටින්නේ.
ඩෙංගු ව්යාප්තිය පාලනය පිළිබඳව ජනාධිපති මාධ්ය කේන්ද්රයේ දී දී අද (25) පැවති මාධ්ය හමුවේදී ඇය මේ බව පැවසුවා.
එම වැඩසටහනෙන් අනතුරුව කොළඹ සහ ගම්පහ දිස්ත්රික්ක ආවරණය වන පරිදි සතියක් පුරා කීට පරීක්ෂාවන් සිදුකෙරෙන බවද රාජ්ය අමාත්යවරිය සඳහන් කළා.
ඩෙංගු මදුරුවන් වැඩි වශයෙන් බෝ වන ස්ථාන ලෙස පාසැල්, පූජණීය ස්ථාන, රජයේ සහ පෞද්ගලික ආයතන, වෙළෙඳ පරිශ්ර මෙන්ම අත්හැර දමා ඇති බිම් කොටස් පරීක්ෂා කිරීම සඳහා විශේෂිත දින වෙන් කරමින් මෙම වැඩසටහන බස්නාහිර පළාත තුළ ක්රියාත්මක කෙරෙනවා.
අනෙකු පළාත් සඳහා ඔවුන්ට ආවේණික ගැටලු හදුනාගෙන විශේෂිත වැඩසටහන් ක්රියාත්මක කිරීමට දිරිමත් කරන බවද ඇය සඳහන් කළා.
ඩෙංගු රෝගය පැතිරීම දේශගුණික තත්ත්වය සමඟ ඉහළ ගොස් ඇති බවත්, මෙම තත්ත්වය පාලනය කර නොගතහොත් කොවිඩ් මෙන් ඩෙංගු රෝගයද මාරාන්තික තත්ත්වයකට පත් විය හැකි බවත් රාජ්ය අමාත්යවරිය පැවසුවා.
ජනවාරි මස සිට මේ දක්වා ඩෙංගු රෝගීන් 47,000කට වැඩි පිරිසක් වාර්තා වී ඇති අතර, ඒ අතරින් 50%ක් වාර්තා වන්නේ බස්නාහිර පළාතෙන්.
