කෘෂිකර්ම අමාත්ය කේ.ඩී ලාල් කාන්ත විසින් සිදුකරන ලද ප්රකාශයට එරෙහිවපැමිණිල්ලක් සිදුකිරීමට ඓතිහාසික මිහින්තලා රජමහ විහාරාධිපති වලවාහැංගුණවැවේ ධම්මරතන හිමියන් අද (13) අපරාධ පරීක්ෂණ දෙපාර්තමේන්තුවට පැමිණියා.
කේ.ඩී ලාල් කාන්ත අමාත්යවරයා විසින් පසුගිය දා කුරුණෑගල ප්රදේශයේ අග්රාමාත්යවරියගේ ප්රධානත්වයෙන් පැවති වැඩසටහනක දී ‘මිහින්තලේ වනචාරියා’ ලෙස පවසමින් ප්රකාශයක් සිදුකරනු ලැබුවා.
එහිදී අදහස් දක්වමින් අමාත්යවරයා සඳහන් කළේ අගමැතිනිය පිළිබඳව වැඩිපුර කතාකරන්නේ ආගමික නායකයන් බවයි.
ආගමික නායකයන් අගමැතිනිය පිළිබඳව බොහෝ දේ දන්නා බව පෙනෙන්නේ යැයි ද ඇමතිවරයා මෙහිදී සඳහන් කළා.
“අගමැතිනිය ගැන කතාකරන අය දිහා බැලුවහම, ඒ අයගේ අධ්යාපන මට්ටම හොඳට පේනවා. විශේෂයෙන් අර මිහින්තලේ ඉන්න වනචාරියා. තනිකර කතාකරන්නේ කුණුහරුප, ඒගොල්ලෝ හිතාගෙන ඉන්නේ අධ්යාපන පරිවර්තනයක් කියන්නේ කුනුහරුපයක් කියලා. අගමැතිතුමියට බනිනවා කුණුහරුපෙන්”
