නිසි පරීක්ෂාවකින් තොරව, ආසාත්මිකතා මරණ සාමාන්යකරණය කිරීමට ඖෂධ නියාමන අධිකාරිය දිගින් දිහටම උත්සාහ ගනිමින් සිටින බවට සෞඛ්ය වෘත්තීයවේදීන්ගේ විද්වත් සංගමය චෝදනා කරනවා.
ඔවුන් පෙන්වා දෙන්නේ රාගම ශික්ෂණ රෝහලේ 21වැනි වාට්ටුවේ නේවාසිකව ප්රතිකාර ලබමින් සිටි රෝගයකුට එන්නතක් ලබාදීමත් සමඟ පසුගිය 27වනදා හදිස්සියේම මිය ගොස් ඇති බවයි.
මෙය රෝගියාගේ රෝග තත්වයට අදාල හෝ ප්රතිකාරයෙන් අපේක්ෂිත තත්වයක් නොවන බැවින්, සැක සහිත මරණයක් බවයි සෞඛ්ය වෘත්තීයවේදීන්ගේ විද්වත් සංගමය සදහන් කළේ.
මෙසේ මියගොස් ඇත්තේ කන්දකැටිය ප්රදේශයේ පදිංචිකරුවකු වන 50 හැවිරිදි වියේ පසුවූ අයෙක්.
තමාගේ කනෙහි ඇති වූ කැක්කුමක් සම්බන්ධයෙන් අවශ්ය ප්රතිකාර ලබා ගැනීමට ඔහු රෝහල්ගතව ඇති බවයි වාර්තාවන්නේ.
මෙලෙස මියගිය පුද්ගලයාට මතභේදාත්මක කො-ඇමොක්සික්ලෙව් (Co-Amoxiclav) එන්නතක් ලබාදීමෙන් පසුව මෙසේ මියගොස් ඇති බව රෝහල් ආරංචි මාර්ග සදහන් කර තිබෙනවා.
අදාළ රෝගියාට එම එන්නත ඊට පෙර අවස්ථා 11ක දී එන්නත් කර ඇති අතර 12 වැනි වර එය එන්නත් කිරීමත් සමඟ ඔහු මියගිය බව එන්නත්කරණය සිදුකළ හෙදිය සිය වාර්තා වේ සටහන් කර ඇති බව ද වාර්තාවනවා.
කෙසේ වෙතත් එම එන්නත නිර්දේශ කරන ලද වෛද්යවරයා සිය වාර්තාවේ සටහන් කර ඇත්තේ මෙම රෝගියා මියගොස් ඇත්තේ කො-ඇමොක්සික්ලෙව් (Co-Amoxiclav) ඖෂධය එන්නත් කර ටික වේලාවකට පසුව බවයි.
මෙම රෝගියා සඳහා භාවිත කල ප්රතිජීවක එන්නත හේතුවෙන් මේ වන විට මරණ දහයකට වඩා අධික සංඛ්යාවක් සිදු වී ඇති නමුත්, ඖෂධ නියාමන අධිකාරිය සහ සෞඛ්ය අමාත්යාංශය ඒවා සාමාන්ය තත්වයන් ලෙස බැහැර කිරීම කැපී පෙනෙන ගැටළුවක් බවයි සෞඛ්ය වෘත්තීයවේදීන්ගේ විද්වත් සංගමයේ සභාපති රවී කුමුදේශ් කියා සිටියේ.
ඖෂධ ඛාණ්ඩයකින් කැපීපෙන සංකූලතා තුනකට වඩා සිදු වුවහොත්, එම ඔෂධය සම්බන්ධයෙන් ගත යුතු සුවිශේෂි ක්රියාමාර්ග නිශ්චිතව සඳහන්ව ඇතත්, මෙම ඖෂධය සම්බන්ධයෙන් එම ක්රියාමාර්ග නොගැනීමට හේතුව තවදුරටත් ඉතා අපැහැදිළි බවද එම සංගමයේ සභාපතිවරයා වැඩිදුරටත් සදහන් කළා.
