ආරක්ෂක නියෝජ්ය අමාත්ය, විශ්රාමික මේජර් ජෙනරල් අරුණ ජයසේකර, පසුගියදා ශ්රී ලංකා යුද හමුදාවේ ප්රධාන පතොරම් සහ යුධෝපකරණ ගබඩා පහසුකම්වල දෙදින නිරීක්ෂණ චාරිකාවක නිරත වුණා.
නියෝජ්ය අමාත්යවරයා සමඟ ආරක්ෂක ලේකම් විශ්රාමික එයාර් වයිස් මාර්ෂල් සම්පත් තුයියකොන්තා සහ ශ්රී ලංකා යුද හමුදාපති ලුතිනන් ජෙනරල් ලසන්ත රොද්රිගෝ ද එම අවස්ථාවන්ට එක්ව සිටියා.
නියෝජ්ය අමාත්යවරයා පතොරම් ගබඩාවල තත්ත්වය පරීක්ෂා කළ අතර, එහි වත්මන් මෙහෙයුම් සහ ආරක්ෂක සූදානම පිළිබඳව ද සමාලෝචනය කළා.
එමෙන්ම නියෝජ්ය අමාත්යවරයාගේ ප්රධානත්වයෙන් ජ්යෙෂ්ඨ හමුදා නිලධාරීන් සමඟ විශේෂ සාකච්ඡාවක් පැවැත් වූ අතර, එහිදී පතොරම් සහ යුධෝපකරණ ගබඩාවල ආරක්ෂාව සහ සුරක්ෂිතතා පියවරයන් වැඩිදියුණු කිරීම, හදිසි ප්රතිචාර සැලසුම් සංවර්ධනය, හදිසි තත්ත්වයන්හි දී බාහිර ආයතන සමඟ සම්බන්ධීකරණය ශක්තිමත් කිරීම, නියාමන අනුකූලතාවය තහවුරු කිරීම සඳහා අවශ්ය සම්මත මෙහෙයුම් පටිපාටි (SOPs) ක්රියාත්මක කිරීම, වගවීම සහ ආරක්ෂිත ක්රියාවලීන්හි සුමට බව ඇතුළු තීරණාත්මක කරුණු රැසක් සාකච්ඡාවට ලක් වුණා.
ආරක්ෂක අමාත්යාංශය, අනෙකුත් නීතිය ක්රියාත්මක කරන ආයතන සමඟ එක්ව ජාතික අරමුණු වෙනුවෙන් දිවයින පුරා ස්ථාපිත සන්නද්ධ හමුදාවන් සතු සියලුම පහසුකම්වල ආරක්ෂාව අධීක්ෂණය කිරීමට, තක්සේරු කිරීමට සහ වැඩිදියුණු කිරීමට පුරෝගාමීව පියවර ගනිමින් සිටිනවා.
