අයහපත් කාලගුණය හේතුවෙන් බලපෑ ආපදා තත්ත්වයෙන් සුරක්ෂිත මධ්යස්ථාන 427ක පවුල් 12,311ක් මේ වනවිටත් රැඳී සිටින බව ආරක්ෂක අමාත්යංශයේ ආපදා කළමනාකරණ අංශයේ අතිරේක ලේකම් කේ.ජී. ධර්මතිලක පවසනවා.
මාධ්ය හමුවක් පවත්වමින් අතිරේක ලේකම්වරයා සඳහන් කළේ ආපදාවට ලක්වූවන් වෙනුවෙන් ලබාදෙන රුපියල් 25,000 අත්තිකාරම් මුදල ලබාගැනීමට පවුල් 456,846 සුදුසුකම් ලබා ඇති බවයි.
ඉන් පවුල් 372,447ක් සඳහා එම අත්තිකාරම් මුදල මේ වනවිටත් ගෙවා අවසන් කර ඇති බවයි අතිරේක ලේකම්වරයා සඳහන් කළේ.
එමෙන්ම රජය විසින් ගෙවනු ලබන රුපියල් පනස්දහසේ දීමනාව පවුල් 3,665ක් සඳහා ගෙවා අවසන් කර ඇති බව සඳහන් කළ ඔහු එම දීමනාව ලබා ගැනීම වෙනුවෙන් පවුල් 147,628ක් සුදුසුකම් ලබා සිටින බවයි පැවසුවේ.
මේ අතර පාසල් ළමුන් සඳහා ගෙවනු ලබන රුපියල් 15,000 දීමනාව ලබාගැනීමට ළමුන් 211,614ක් සුදුසුකම් ලබා සිටින බව සඳහන් කළ ඔහු මේ වනවිටත් ළමුන් 3000 කට ආසන්න පිරිසකට ගෙවා ඇති බවයි සඳහන් කර සිටියේ.
මෙම දීමනාව දෙසැම්බර් මස 31ට පෙර ගෙවා අවසන් කිරීම අරමුණ බව ද අතිරේක ලේකම් කේ.ජී. ධර්මතිලක පැවසුවා.
මේ අතර විදෙර්ශයන්ගෙන් ලැබෙන විදේශ ආධාර ආපදාවන්ට ලක්වූවන්ට බෙදාදීමට විශේෂ වැඩපිළිවෙලක් රජය විසින් සිදුකරගෙන යන බවයි ඔහු වැඩිදුරටත් පැවසුවේ.
