පසුගිය 10 වනදා අහුංගල්ල, මරදාන ප්රදේශයේ වෙඩි තබා පුද්ගලයෙකු ඝාතනය කිරීමට සම්බන්ධ අයෙක් පොලිස් විශේෂ කාර්ය බලකාය මඟින් අත්අඩංගුවට ගෙන තිබෙනවා.
අත්අඩංගුවට ගැනුණු සැකකරු මෙම අපරාධයට වෙඩික්කරුවන් මෙහෙයවීම සහ සිදුකිරීම සඳහා ආධාර අනුබල දුන් බවයි අනවරණය වී ඇත්තේ.
අහුංගල්ල පොලිස් වසමේ අල්ලිය දේවාලය, ගල්වෙහෙර ප්රදේශයේ ඊයේ (16) සිදුකළ වැටලීමක දී සැකකරු අත්අඩංගුවට ගෙන ඇති බවයි වාර්තා වුණේ.
සැකකරු පසුගිය 10 වන දින අහුංගල්ල, මරදාන ප්රදේශයේ දී පදිංචිව සිටි පියල් ගාමිණි ද සිල්වා යන පුදගලයාට වෙඩි තබා ඝාතනය කිරීමේ අපරාධයේ මෙහෙය වූ ප්රධාන සැකකරුවන කලුහත් නදීෂ් අබෘ නොහොත් ‘අහුංගල්ලේ බබා’ යන අයට දුරකථන මාර්ගයෙන් තොරතුරු ලබා දී ඇති බවයි හෙළිව ඇත්තේ.
අත්අඩංගුවට ගැනුණු අවුරුදු 37ක පුද්ගලයෙක් වන අතර, සැකකරු වැඩිදුර විමර්ශන කටයුතු සඳහා අහුංගල්ල පොලිස් ස්ථානය වෙත භාර දී තිබෙනවා.
මෙම වෙඩි තැබීමට දින කිහිපයකට පෙර අහුංගල්ල, බෝගහපිටිය, ලෝකන් වත්ත ප්රදේශයේ දී පදිංචිව අපරධ කල්ලි සාමාජික කලුහත් නදීෂ් ආබෲ හෙවත් අහුංගල්ලේ බබාගේ පියාවන කීර්ති ආබෲ නැමැත්තා වෙඩි තබා ඝාතනය කෙරුණා.
එම වෙඩි තැබීමට පළිගැනීමක් ලෙස පසුගිය 10 වනදා අහුංගල්ල,මරදාන ප්රදේශයේ සිදු වූ වෙඩි තැබීම සිදුකර ඇති බවයි අනාවරණය වුණේ.
