එළඹෙන ශීත සෘතුව වෙනුවෙන් රුසියානු සංචාරකයින් පිරිසක් මෙරට සංචාරය කිරීම සඳහා පැමිණ තිබෙනවා.
දසත ප්රාදේශීය වාර්තාකරු පැවසුවේ අද (06) උදෑසන 10.05 ට රුසියාවේ වෙනිකොව් නුවර සිට අසූර් ගුවන් සේවයේ ( Azur Air ) පළමු මංගල ගුවන් යානය (Inogaral Flight) මෙරටට පැමිණි බවයි.
අසූර් එයාර් ගුවන් සේවයේ ඉසෙඩ්.එෆ්.- 1611 දරන මෙම ගුවන් යානය ගුවන් මගීන් 332ක් සමගින් කටුනායක ගුවන්තොටුපොළ වෙත පැමිණියා.
මෙම ගුවන් යානය පිළිගැනීම සඳහා ජල ආචාර ( Water Salute ) පැවැත්වීමටයි කටුනායක ගුවන් බලධාරීන් පියවර ගෙන තිබුණේ.
පළමු මංගල ගුවන් ගමන සඳහා අසූර් එයාර් ගුවන් සේවය විසින් බෝයිං – 767 වර්ගයේ ගුවන් යානයක් යොදවා තිබූ අතර, එහි ගුවන් මගීන් 332 ක් සහ ගුවන් යානා කාර්යය මණ්ඩලය ලෙස තවත් 10 දෙනෙකු ද පැමිණ සිටියා.
අද සිට සෑම සතියකම අසූර් එයාර් ගුවන් සේවය රුසියාවේ ප්රධාන නගර 05ක සිට, එනම් වෙනිකොව් ( Venukov ), සෙන්ට් පීටර්ස්බර්ග් (St: Petersburg ), ක්රොසනොස්කො (Krasnosk), සෝච් ( Sochi ) සහ නොවිසිබිස්ක් (Novosibirsk) යන නගරවල සිට කටුනායක ගුවන් තොටුපොළ වෙත ගුවන් යානා පැමිණීමට නියමිත බව අසූර් එයාර් ගුවන් සේවයේ ශ්රී ලංකාවේ කළමනාකරු මොරිස් ද සිල්වා මහතා ප්රකාශ කළා.
මෙම අසූර් එයාර් ගුවන් යානාවලට රුසියාවේ එම ගමනාන්ත වෙත ළඟා වීමට පැය 09.00ක කාලයක් ගත වන අතර මෙම ගුවන් යානා එළඹෙන 2025 වසරේ අප්රේල් මස 30
වැනි දින තෙක් කටුනායක ගුවන් තොටුපොළ වෙත පැමිණීමට නියමිතයි.
