ඡන්ද විමසීමේ ක්‍රියාවලියට අදාළ ව ප්‍රචාරය වන වගකීමකින් තොර අසත්‍ය ප්‍රවෘත්තියක් පල වීම සම්බන්ධයෙන් මැතිවරණ කොමිෂන් සභාව විශේෂ නිවේදනයක් නිකුත් කර තිබෙනවා.
එහි දැක්වෙන්නේ පාර්ලිමේන්තු මැතිවරණය නිදහස්, සාධාරණ හා විශ්වසනීයත්වයෙන් යුතුව පැවැත්වීමට කොමිෂන් සභාව මේ වනවිටත් සියලු විධිවිධාන යොදා ඇති බවයි.
එයට අදාළව මැතිවරණ කොමිෂන් සභාව විසින් ව්‍යවස්ථාපිතව කළ යුතු කාර්‍යයන් පිළිබඳව චක්‍රලේඛ, උපදෙස්, නියෝග නිකුත් කර ඇති බවත් ඒ සම්බන්ධයෙන් ජනමාධ්‍ය හරහා මහජනතාව ද දැනුවත් කිරීමට පියවර ගෙන ඇති බව ද කොමිෂන් සභාව නිකුත් කළ නිවේදනයේ සඳහන්.
ඡන්ද විමසීම තරග කරන සියලුම අපේක්ෂකයින් වෙත ස්වකීය මනාප අංක මේ වනවිටත් නිකුත් කොට ඇති බවත් අපේක්ෂකයින් විසින් එම අංක යොදා ගනිමින් ඡන්ද ප්‍රචාරක කටයුතු ආරම්භ කර ඇති බවට නිරීක්ෂණය වන බවයි නිවේදනයේ දැක්වෙන්නේ.
ඡන්ද ප්‍රචාරක කටයුතුවලට අදාළ නිවේදිත මැතිවරණ කාර්‍යාල ආරම්භ කිරීමට අදාළව මැතිවරණ කොමිෂන් සභාවේ අංක EC/EDR/PE/2024/13 දරන චක්‍රලේඛය නාමයෝජනා කාලසීමාව ආරම්භයට පෙර එනම් ඔක්තෝබර් 03 වැනි දින නිකුත් කර තිබෙනවා.
එම චක්‍රලේඛය පාර්ලිමේන්තු මැතිවරාණයට තරග කරන සියලුම දේශපාලන පක්ෂ/ ස්වාධීන කණ්ඩායම් වෙත ලබා දී ඇති බවයි එම නිවේදනයේ වැඩිදුරටත් දැක්වෙන්නේ.
මතිවරණ කොමිෂන් සභාව නිකුත් කළ සම්පූර්ණ නිවේදනය පහතින්..
