බෝඩර් ගවස්කාර් කුසලාන පස්වැනි සහ අවසන් ටෙස්ට් තරගාවලියේ කාසියේ වාසිය දිනා පළමු ව පන්දුවට පහර දුන් ඉන්දීය කණ්ඩායම සිය පළමු ඉනිමට සියල්ලන් ම දැවී ලකුණු 185ක් රැස් කළා.
සිඩ්නි නුවර දී ආරම්භ වුණු දෙරට අතර තරගයේ ඉන්දීය නායකත්වයේ වෙනසක් සිදු ව ඇති අතර රෝහිත් ෂර්මා වෙනුවට ජස්ප්රිට් බුම්රා කණ්ඩායම මෙහෙයවනවා.
කෙසේවෙතත් අද දිනයේ දී පෙර තරගවල සේ ම ඉන්දීය පිතිකරණයේ දුර්වල සහ පසුගාමීත්වයක් පෙන්නුම් කළ අතර බොහෝ ජ්යේෂ්ඨ ක්රීඩකයින් පවා අඩු ලකුණුවලට දැවී ගියා.
තරග 05කින් සමන්විත ටෙස්ට් තරගාවලිය පුරා ම සෑම ඉනිමක දී ම සේ ම අදත් සුපුරුදු පරිදි විරාට් කෝලි අසාර්ථක වූයේ ලකුණු 17කට දැවී යාමකට ලක්වෙමින්.
රිෂාබ් පාන්ට් පමණක් ලකුණු 40ක් රැස් කරගැනීමට සමත් වූ අතර රවීන්ද්ර ජඩේජා ලකුණු 26ක් රැස් කළා.
සිව්වැනි ටෙස්ට් තරගයේ දී සිය කුළුදුල් ටෙස්ට් ශතකයෙන් ලොවක් වසඟයට ගත් නිටිෂ් කුමාර් අද බෝලන්ඩ්ගේ පන්දුවක් හමුවේ කිසිදු ලකුණක් නොලබා ම දැවී ගියා.
කඩුලු බිඳ දැමීමේ දී ස්කොට් බෝලන්ඩ් ලකුණු 31කට කඩුලු 04ක් ද මිචෙල් ස්ටාක් කඩුලු 03ක් ද පැට් කමිස්න් කඩුලු 02ක් සහ නෙතන් ලියෝන් එක් කඩුල්ලක් බිඳ හෙලුවා.
මේ වනවිට සත්කාරක ඔස්ට්රෙලියානුවන් සිය පළමු ඉනිමට ලකුණු රැස් කිරීම අරඹා ඇති අතර එක් කඩුල්ලක් දැවී ලකුණු 09ක් ලබා සිටිනවා.
බුම්රාගේ පන්දුවක් හමුවේ උස්මන් කවජා දැවී ගියා.
