හිටපු ජනාධිපති ගෝඨාභය රාජපක්ෂ මහතා විසින් දේශපාලන පළිගැනීම් පිළිබඳ ව සොයා බැලීම සඳහා පත්කළ විමර්ශන කොමිසමේ නිර්දේශ මගින් අල්ලස් කොමිසමේ හිටපු අධ්යක්ෂ ජනරාල්වරියක මෙන්ම හිටපු සොලිසිටර් ජෙනරාල්වරියක වන දිල්රුක්ෂි ඩයස් වික්රමසිංහ මහත්මියගේ මූලික අයිතිවාසිකම් උල්ලංඝනය වී ඇතැයි ශ්රේෂ්ඨාධිකරණය තීන්දු කළා.
ඒ අනුව ඇයට එරෙහිව අදාළ කොමිසම විසින් නිකුත් කර තිබෙන නිර්දේශ හා සොයා ගැනීම් බල රහිත කරන බවත් ශ්රේෂ්ඨාධිකරණය සිය තීන්දුවේ
ඊයේ (22) සඳහන් කළා.
අදාළ කොමිසම විසින් තමන්ට එරෙහිව සිදුකර තිබෙන නිර්දේශ හා සොයා ගැනීම් බල රහිත කිරීමේ තීන්දුවක් ලබා දෙන ලෙස ඉල්ලා දිල්රුක්ෂි ඩයස් වික්රමසිංහ මහත්මිය විසින් ඉදිරිපත් කළ මූලික අයිතිවාසිකම් පෙත්සමක තීන්දුව දෙමින් ශ්රේෂ්ඨාධිකරණය මෙම නියෝග නිකුත් කළ බවයි දසත අධිකරණ වාර්තාකරු පැවසුවේ.
ප්රීති පද්මන් සූරසේන, ගාමිණී අමරසේකර සහ අචල වෙංගප්පුලි යන මහත්වරුන්ගෙන් සමන්විත ත්රිපුද්ගල ශ්රේෂ්ඨාධිකරණ විනිසුරු මඬුල්ලක් විසින් මෙම නියෝගය නිකුත් කරනු ලැබුවා.
