අයහපත් කාලගුණ තත්ත්වය හේතුවෙන් පවුල් 6,785ක පුද්ගලයින් 20,300ක් පීඩාවට පත්ව ඇති බව අපදා කළමනාකරණ මධ්යස්ථානය දැනුම් දෙනවා.
එම මධ්යස්ථානයේ අධ්යක්ෂ ප්රදීප් කොඩිප්පිලි සඳහන් කළේ අයහපත් කාලගුණ තත්ත්වය නිසා පුද්ගල මරණ දෙකක් මේ වනවිට වාර්තා වී ඇති බවයි.
ඉන් එක් මරණයක් පොළොන්නරුව, වැලිකන්ද ප්රදේශයෙන් සහ අනෙක් මරණය බදුල්ල ප්රදේශයෙන් වාර්තා වන බවයි අධ්යක්ෂවරයා සඳහන් කළේ.
මේ අතර ආරක්ෂිත මධ්යස්ථාන 22ක පුද්ගලයින් 1,165ක් රඳවා ඇති අතර, එම පුද්ගලයින් වෙනුවෙන් සියලු සහන වැඩපිළිවල ක්රියාත්මක බව ද ඔහු සඳහන් කර සිටියා.
මේ අතර වර්ෂාවත් සමඟ බලපෑ ගංවතුර හේතුවෙන් මාර්ග රැසක් ස්ථාන කිහිපයකින් ජලයෙන් යටව ඇති බවයි ආපදා කළමනාකරණ මධ්යස්ථානයේ අධ්යක්ෂවරයා පැවසුවේ.
ඒ, අනුව මඩකලපුව – පොළොන්නරුව මාර්ගයේ ගල්ලෑල්ල සහ මනම්පිටිය අතර කොටස මේ වන විට ජලයෙන් යටව ඇති අතර, පොළොන්නරුව – සෝමාවතිය මාර්ගයේ 36 කණුව ප්රදේශයෙන් ජලයෙන් යටව ඇති බව ඔහු වැඩිදුරටත් සඳහන් කළා.
එමෙන්ම පදවිය – පරාක්රමපුර මාර්ගයේ සපත්තු පාලම ප්රදේශයේ ද ජලයෙන් යටව ඇති අතර, බදුල්ල දිස්ත්රිකයේ රත්කිඳ – ගිරාඳුරුකෝට්ටේ මාර්ගයේ කොටසක් ද ජලයෙන් යටව තිබෙනවා.
මීට අමතරව පවතින වැසි සහිත කාලගුණය හේතුවෙන් මඩකලපුව දිස්ත්රික්කේ මාර්ග කිහිපයක් ද ජලයෙන් යටවී ඇති බවයි අධ්යක්ෂවරයා මාධ්ය වෙත අදහස් දක්වමින් පවසා සිටියේ.
එමෙන්ම පස්කඳු කඩාවැටීම හේතුවෙන් ද මාර්ග කිහිපයක ගමනා ගමනයට බාධා එල්ල වී ඇති බව සඳහන් කළ ඔහු මහනුවර දිස්ත්රිකයේ මහියංගනය – A 26 මාර්ගයේ කහටගොල්ල ප්රදේශයේ මාර්ගයට පස් කන්ඩි සහ ගස් කඩාවැටීම හේතුවෙන් රාත්රී කාලයේ එම මාර්ගය වසා තබන බවයි පැවසුවේ.
මේ අතර මල්වතු ඔය ද්රෝණිය, මහවැලි ගඟ ද්රෝණිය සහ ගල් ඔය, කලා ඔය, දැදුරු ඔය යන ද්රෝණිවලටත් ගංවතුර නිවේදන නිකුත් කර ඇති බවයි වාරිමාර්ග දෙපාර්තමේන්තුව සඳහන් කළේ.
