අමෙරිකාවේ සහායෙන් මෙරට පොලිස් නිලධාරීන්ට පුහුණු පාඨමාලාවක් (ඡායාරූප)

ශ්‍රී ලංකා අමෙරිකානු තානාපති කාර්‍යාලයේ පූර්ණ අනුග්‍රහය මත පැවැත්වූ ‘Scene Of Crime Officer Training’ පොලිස් පාඨමාලා උලෙළේ සමාප්තිය අද (17) සිදු කෙරුණා.

ඒ අමෙරිකානු තානාපතිනි චූලි චන්ගේ ප්‍රධානත්වයෙන්.

මෙම වසරේ පෙබරවාරි මස 19 වැනි දින සිට ඔක්තෝබර් මස 16 වැනි දින දක්වා අපරාධ ස්ථාන පරීක්ෂා කිරීමට අදාළ ව පුහුණු සැසි 05ක් පැවැත්වුණේ කළුතර පොලිස් විද්‍යාලයේ දී අපරාධ ස්ථාන පරීක්ෂණ නිලධාරීන් 95 දෙනෙකු වෙනුවෙන්.

මෙකී පාඨමාලාව නිලධාරීන් 57 දෙනෙකු සඳහා පුහුණු සැසි වාර 03ක් සහ තවත් නිලධාරීන් 38 දෙනෙකු සඳහා උසස් අදියර යටතේ පුහුණු සැසිවාර 02 බැගින් පැවැත්වුණා.

මෙම පාඨමාලාවට එක් වූ නිලධාරීන් සඳහා සහතික පත් සහ නිල ලාංඡන පැළඳවීම ජූලි චන්ග් මහත්මිය විසින් සිදු කරනු ලැබුවා.

ඒ අපරාධ වාර්තා කොට්ඨාස ශ්‍රවණාගාරයේ දීයි.

එහිදී වැඩබලන පොලිස්පති ප්‍රියන්ත වීරසූරිය විසින් අමෙරිකානු තානාපතිනිය ඇතුළු පාඨමාලා උපදේශකවරුන් වෙත සමරු තිළිණ ද පිරිනැමුවා.