එක්සත් ජනපද ආරක්ෂක ලේකම් පීට් හෙග්සෙත් ඉන්දු-පැසිෆික් කලාපයේ මිත්ර පාක්ෂිකයින්ට ඉහළ යන මිලිටරි හා ආර්ථික පීඩනයට මුහුණ දීමට ඔවුන් තනි නොකරන බවට සහතික කළ අතර, ඔවුන්ගේම ආරක්ෂාව සඳහා වැඩි දායකත්වයක් ලබාදෙන ලෙස ද අවධාරණය කළා.
පෙන්ටගනය බීජිං විසින් වේගයෙන් වර්ධනය වන තර්ජන ලෙස දකින දේට, විශේෂයෙන් තායිවානය කෙරෙහි එහි ආක්රමණශීලී ස්ථාවරයට එරෙහිව සටන් කිරීම සඳහා වොෂින්ටනය විදේශයන්හි තම ආරක්ෂාව ශක්තිමත් කරන බව ඔහු පැවසුවා.
චීනයේ හමුදාව “සැබෑ ගනුදෙනුව සඳහා පෙරහුරු කරමින් සිටී,” සිංගප්පූරුවේ පැවති ආරක්ෂක සමුළුවක දී හෙග්සෙත් ප්රධාන දේශනයක දී පෙන්වා දුන්නා.
චීන නියෝජිත කණ්ඩායමේ ප්රධානියා හෙග්සෙත් “පදනම් විරහිත චෝදනා” එල්ල කරන බවට චෝදනා කළා.
ආරක්ෂක අධ්යයන සඳහා වූ ජාත්යන්තර ආයතනය විසින් පවත්වන ලද ගෝලීය ආරක්ෂක සමුළුවක් වන ෂැන්ග්රි-ලා සංවාදයේ දී අදහස් දක්වමින් හෙග්සෙත් පැවසුවේ චීනය තවදුරටත් තායිවානය අල්ලා ගැනීම සඳහා තම හමුදා බලවේග ගොඩනඟා නොගන්නා බවත්, එය “සෑම දිනකම ඒ සඳහා ක්රියාකාරීව පුහුණු වන” බවත්ය.
