ඛනිජ තෙල් නීතිගත සංස්ථාවට අයත් රුපියල් හැට එක් ලක්ෂ හතලිස් හය දහස් එකසිය දහයක (රුපියල් 6,146,110 ) මුදලක් 2014.12.26 වන දින 2015 ජනවාරි මාසය අතර කාලයේදී නිසි ක්රියාපටිපාටිය අනුගමනය නොකරමින් ගංවතුර ආධාර සඳහා වැය කරමින් එකී මුදල් සාවද්ය සාපරාධි පරිහරණය ඇතුළු ආදී චෝදනා 05ක් යටතේ පවර තිබු නඩුවේ විත්තිකරුවන් වන හිටපු ඛනිජ තෙල් අමාත්ය අනුර ප්රියදර්ශන ඇතුළු ඛනිජ තෙල් සංස්ථාවේ හිටපු සභාපති ඇතුළු 06 දෙනෙක් සඳහා අද දින කොළඹ ප්රධාන මහාධිකරණ විනිසුරු මංජුල තිලකරත්න මහතා ඉදිරියේ අධි චෝදනා භාර දෙනු ලැබුවා.
එම අධි චෝදනා භාර දීමෙන් පසු ඔවුන් රුපියල් ලක්ෂ 01 බැගින් වූ මුදල් හා ලක්ෂ 10 බැගින් වූ ශරීර ඇප දෙක බැගින්ද නියම කොට ඇප මත මුදා හැරීමට විනිසුරුවරයා නියම කළා.
එමෙන්ම ඔවුන්ගේ ඇඟිලි සලකුනු ලබා ගෙන පෙර වැරදි වාර්තා කැඳවන ලෙසද නියෝග කළා.
එම නඩුවේ පූර්ණ නඩු විභාගය ඔක්තෝම්බර් පළවැනිදා ආරම්භ කිරීමට ද විනිසුරුවරයා නියෝග කරනු ලැබුවා.
මෙම විත්තිකරුවන් 06 දෙනාම අධිකරණය විසින් නිකුත් කරන ලද නොතිසී නියෝද අනුව අද විවෘත අධිකරණය හමුවේ පෙනී සිටියා.
