අනුරාධපුර බන්ධනාගාර අධිකාරි මොහාන් කරුණාරත්න ලබන 23 වනදා දක්වා යළි රක්ෂිත බන්ධනාගාරගත කර තිබෙනවා.
ඔහුව අද (13) අනුරාධපුර මහේස්ත්රාත් අධිකරණයට ඉදිරිපත් කිරීමෙන් අනතුරුව මෙම නියෝගය නිකුත් කරනු ලැබුවා.
මේ අතර බන්ධනාගාර අධිකාරිවරයාගේ නඩු විභාගය සිදුවන අවස්ථාවේ දී විත්ති කූඩුව අසළ අනුරාධපුර බන්ධනාගාර නිලධාරීන්ට රැඳී සිටීම මෙම නඩු විභාගේ පරීක්ෂණවලට බාධාවක් බව රජය පාර්ශ්වයෙන් ඉදිරිපත් වූ නියෝජ්ය සොලිස්ටර් ජෙනරාල්වරිය විසින් ප්රධාන මහේස්ත්රතවරයා වෙත ප්රකාශයක් ලබා දෙනු ලැබුවා.
එම අවස්ථාව වන විටත් එතැන රැඳී සිටි අනුරාධපුර බන්ධනාගාර නිලධාරියෙක් විසින් මහේස්ත්රාත්වරයාට කියා සිටියේ ප්රධාන පෙළේ අපරාධකරුවන් අද (13) දිනයේ අධිකරණයට ඉදිරිපත් කර ඇති බැවින්, ආරක්ෂාව සඳහා තම නිලධාරින් එම භූමියේ රැඳී සිටින බවයි.
නියෝජ්ය සොලිස්ටර් ජෙනරාල්වරිය ප්රකාශයෙන් පසු බන්ධනාගාර අධිකාරිවරයා සිටි විත්ති කූඩුව අසලින් අනුරාධපුර බන්ධනාගාරයේ නිලධාරින් ඉවත්ව බෝගම්බර බන්ධනාගාරයේ නිලධාරීන් පමණක් රැඳී සිටිනු දක්නට ලැබුණු බවයි ‘දසත නිවුස්’ වාර්තාකරු සඳහන් කළේ.
බන්ධනාගාර රැඳවියෙක් ජනාධිපති පොදු සමාව යටතේ නිදහස් කළ බව කියන චෝදනාවක් සම්බන්ධයෙන් ඔහු අපරාධ පරීක්ෂණ දෙපාර්තමේන්තුව විසින් පසුගිය 08 වනදා අත්අඩංගුවට ගැනුණා.
