ජාතික ජන බලවේග රජයක් යටතේ කිසිදු ආගමකට ප්රමුඛත්වයක් නොමැති බවට හා සියලු ආගම් රජයෙන් වෙන් කරන බවට සඳහන් අනුර කුමාර දිසානායක මහතාගේ අත්සනින් යුත් ව්යාජ ලිපියක් සමාජ මාධ්ය ජාලා හරහා ප්රචාරය කර ඇති බව කියන සිද්ධිය සම්බන්ධයෙන් පුළුල් විමර්ශනයක් සිදුකර අධිකරණයට කරුණු වාර්තා කරන ලෙස කොළඹ ප්රධාන මහේත්රාත් තිළිණ ගමගේ මහතා අපරාධ පරීක්ෂණ දෙපාර්තමේන්තුවේ පරිගණක අපරාධ විමර්ශන අංශයට අද (04) නියෝග කර තිබෙනවා.
අප අධිකරණ වාර්තාකාරිණිය පැවසුවේ; එම පක්ෂයේ ජාතික විධායක සභික සුනිල් හඳුන්නෙත්ති මහතා අපරාධ පරීක්ෂණ දෙපාර්තමේන්තුවේ පරිගණක අපරාධ විමර්ශන අංශය වෙත කරන ලද පැමිණිල්ලක් සලකා බැලීමෙන් අනතුරුව අධිකරණය මෙම නියෝගය නිකුත් කළ බවයි.
ඉකුත් 24 වැනි දින මහරගම ජාතික තරුණ සේවා සභා පරිශ්රයේ දී ජාතික ජන බලවේගය සංවිධායකත්වයෙන් පවත්වන ලද සඟ සමුළුවක දී කිසිදු ආගමකට එම රජය යටතේ ප්රමුඛත්වයක් ලබා නොදෙන බවට හා සියලු ආගම් එම රජයෙන් වෙන් කරන බවට ප්රතිපත්ති ප්රකාශනයක් සම්මත කරගෙන ඇති බවට සඳහන් අනුර කුමාර දිසානායක මහතාගේ අත්සනින් යුත් ව්යාජ ලිපියක් සමාජ මාධ්ය ජාලා හරහා ප්රචාරය කර ඇති බවට සුනිල් හඳුන්නෙත්ති මහතා තම අංශය වෙත පැමිණිලි කර ඇති බව ද විමර්ශන නිලධාරීහු අධිකරණයට දන්වා තිබෙනවා.
එසේ සම්මත කරගන්නා ලද ප්රතිපත්ති ප්රකාශයේ පිටපත් සියලුම මාධ්ය ප්රධානීන්ට හා මාධ්ය ආයතනවල කතුවරුන්ට යොමු කර ඇති බවට එම ව්යාජ ලිපියේ සඳහන් වන බව ද එම නිලධාරීන් අධිකරණයට දැක්වූ කරුණුවලින් හෙළි ව ඇති බවයි වාර්තා වන්නේ.
එවැනි ප්රතිපත්ති ප්රකාශයක් සම්මත කරගත් බවට පෞද්ගලික රූපවාහිනී නාලිකාවක ප්රවෘත්ති ප්රකාශයක් අතරතුර දී විකාශය වූ බවට එම ව්යාජ ලිපියේ සඳහන් වන බව ද එම නිලධාරීහු අධිකරණයට දන්වා තිබෙනවා.
මෙම සිද්ධිය සම්බන්ධයෙන් විධිමත් විමර්ශනයක් ආරම්භ කර අදාළ සැකකරුවන් අධිකරණයට ඉදිරිපත් කිරීම සඳහා නියෝගයක් ලබා දෙන ලෙසට එම නිලධාරීන් අධිකරණයෙන් කළ ඉල්ලීමක් සලකා බලමින් මහේස්ත්රාත්වරයා විසින් මෙම නියෝගය නිකුත් කරනු ලැබුවා.
wpDiscuz
