15 හැවිරිදි දැරියක් අන්තර්ජාලය ඔස්සේ ලබාගෙන ලිංගික අපයෝජනයට ලක් කිරීමේ සිද්ධියට අදාළව හෘද රෝග විශේෂඥ වෛද්‍ය වරයකු සහ තවත් පුද්ගලයකු අත්අඩංගුවට ගත් බව පොලිස් මාධ්‍ය ප්‍රකාශක ජ්‍යෙෂ්ඨ නියෝජ්‍ය පොලිස්පති අජිත් රෝහණ මහතා පවසනවා .
වෛද්‍යවරයාට අමතරව අත්අඩංගුවට ගත් සෙසු පුද්ගලයා දැරිය තැන තැන රැගෙන යාමට උදව් කළ තැනැත්තකු බවයි අජිත් රෝහණ මහතා පවසන්නේ .
අද (6) අලුයම හෘද රෝග විශේෂඥ වෛද්‍යවරයා බණ්ඩාරගම ප්‍රදේශයේ දී අත්අඩංගුවට ගෙන ඇති අතර ඔහු කොළඹට ආසන්න රෝහලක සේවය කරන්නකු බවත් ,සෙසු සැකකරු ඊයේ(5) රාත්‍රියේ කිරිවත්තුඩුව ප්‍රදේශයේ දී අත්අඩංගුවට ගෙන තිබෙන බවයි පොලිස් මාධ්‍ය ප්‍රකාශකවරයා වැඩිදුරටත් සඳහන් කරන්නේ
මොවුන් දෙදෙනත් සමග ම මෙම සිද්ධිය සම්බන්ධයෙන් සැකකරුවන් 32 ක් අත්අඩංගුවට ගෙන ඇති අතර ඔවුන් මේ වනවිට රිමාන්ඩ් බාරයට පත්කර තිබෙනවා
මෙම 32 අතරට මාලදිවයින් ජාතිකයෙකුත්, හෝටල් කාමර ලබා දුන් අයත්, වෙබ් අඩවිවල හරහා විකුණු අය,වෙබ් අඩවි අයිතිකරුවන් සහ එහි දැන්වීම් නිර්මාණය කළ අය , දැරියව ප්‍රවාහනය කල අය ,අපයෝජනය කල අය අයිති වන බවත් ඔහු සඳහන් කරනවා
මෙම සැකකරුවන් දෙදෙනා අද අධිකරණයට ඉදිරිපත් කිරීමට නියමිතයි
එමෙන්ම මේ පිළිබඳව පුළුල් විමර්ශනයක් ආරම්භ කර ඇති බවත් ,ඉදිරියේදී වෙබ් අඩවි පිළිබඳව පුර්ණ විමර්ශනයක් සිදුකරන බවත් පොලිස් මාධ්‍ය ප්‍රකාශක ජ්‍යෙෂ්ඨ නියෝජ්‍ය පොලිස්පති අජිත් රෝහණ මහතා පවසනවා.
