කොළඹ වරායට අයත් අධි ආරක්ෂිත මුහුදු කලාපයේ අනවසරයෙන් මසුන් ඇල්ලූ සැකකරුවන් තිදෙනෙකු අත්අඩංගුවට ගෙන තිබෙනවා.
පොලිස් මාධ්‍ය ප්‍රකාශක කාර්‍යාලය නිවේදනයක් නිකුත් කරමින් සඳහන් කළේ අද (07) අලුයම් කාලයේ දී පොලිස් නාවික කොට්ඨාසයේ නිලධාරීන් කණ්ඩායමක් විසින් නාවික හමුදා නිලධාරීන්ගේ සහාය ඇතිව කොළඹ වරායට අයත් අධි ආරක්ෂිත මුහුදු කලාපයේ නැව් ගමනාගමනයට බාධා වන අයුරින් අනවසරයෙන් දැල් ආම්පන්න භාවිතා කරමින් මසුන් ඇල්ලීම සිදු කළ සැකකරුවන් මෙලෙස අත් අඩංගුවට ගෙන ඇති බවයි.
අත් අඩංගුවට ගත් සැකකරුවන් වයස අවුරුදු 39,42 හා 49 යන වයස්වල පසුවන පමුණුගම ප්‍රදේශයේ පදිංචිකරුවන්.
සිද්ධිය සම්බන්ධයෙන් පොලිස් නාවික කොට්ඨාසය වැඩිදුර විමර්ශන සිදු කරනවා.
ඔබේ ප්‍රතිචාරය කුමක්ද ?
+1
+1
+1
+1
+1
+1
+1
