අද සිට කොළඹ දිස්ත්‍රික්කයේ ප්‍රදේශ කිහිපයකට ජල කප්පාදුවක්

අද (02) රාත්‍රී 8.00 සිට කොළඹ දිස්ත්‍රික්කයේ ප්‍රදේශ කිහිපයකට ජල කප්පාදුවක් ක්‍රියාත්මක බව ජාතික ජල සම්පාදන හා ජලාපවාහන මණ්ඩලය පවසනවා.

ජාතික ජල සම්පාදන හා ජලාපවාහන මණ්ඩලයේ දිස්නා පන්විලගේ සඳහන් කළේ අද (02) දිනයේ දී පාදුක්ක ප්‍රදේශයෙන් මෙම ජල කප්පාදුව ආරම්භ කරන බවයි.

ඒ, අනුව අද (02) රාත්‍රී 8.00 සිට හෙට (03) රාත්‍රී 8.00 දක්වා පාදුක්ක ප්‍රදේශයට මෙලෙස ජල සැපයුම අත්හිටුවනු ඇති.

අනිදා (03) දිනයේ ජල කප්පාදුව හෝමාගම ප්‍රදේශයට සිදුකරන බව සඳහන් කළ ඇය, හෙට (03) රාත්‍රී 8.00 සිට අනිද්දා (04) රාත්‍රී 8.00 දක්වා එම ප්‍රදෙශයයට ජල සැපයුම අත්හිටුවනවා.

ජාතික ජල සම්පාදන මණ්ඩලය විසින් SMS පණිවිඩයක් මගින් ඒ පිළිබඳව කල්තියා දැනුම් දෙන බවයි ඇය වැඩිදුරටත් පැවසුවේ.

වියළි කාලගුණ තත්ත්වය හමුවේ ජාතික ජල සම්පාදන හා ජලාපවාහන මණ්ඩලයේ කටයුතු පිළිබඳ දැනුවත් කිරීම සම්බන්ධයෙන් පැවති ප්‍රවෘත්ති සාකච්ඡාවක දී මේ බව සඳහන් කළා.