නැගෙනහිර, උතුරු, උතුරු-මැද, මධ්යම සහ ඌව පළාත්වලත් හම්බන්තොට දිස්ත්රික්කයේත් විටින් විට වැසි ඇති වන බව කාලගුණ විද්යා දෙපාර්තමේන්තුව නිවේදනය කරනවා.
එම නිවේදනයේ දැක්වෙන්නේ සෙසු ප්රදේශවල සවස් කාලයේදී හෝ රාත්රී කාලයේදී තැනින් තැන වැසි හෝ ගිගුරුම් සහිත වැසි ඇති විය හැකි බවයි.
නැගෙනහිර, උතුරු-මැද, ඌව සහ වයඹ පළාත්වල ඇතැම් ස්ථානවලට මිලිමීටර් 75 ක පමණ තරමක තද වැසි ඇති විය හැකියි.
බස්නාහිර පළාතෙත් ගාල්ල සහ මාතර දිස්ත්රික්කවලත් උදෑසන කාලයේ දී ද වැසි ඇති විය හැකි අතර මධ්යම කඳුකරයේ නැගෙනහිර බෑවුම්වල සහ උතුරු, උතුරු-මැද, නැගෙනහිර සහ වයඹ පළාත්වලත් හම්බන්තොට සහ මොණරාගල දිස්ත්රික්කවලත් විටින් විට හමන පැ.කි.මී.30-40ක පමණ තරමක තද සුළං ඇති විය හැකි බවත් එම නිවේදනයේ සඳහන්.
ගිගුරුම් සහිත වැසි සමග ඇතිවිය හැකි තාවකාලික තද සුළංවලින් සහ අකුණු මගින් සිදු වන අනතුරු අවම කර ගැනීමට අවශ්ය පියවර ගන්නා ලෙස ජනතාවගෙන් කාරුණිකව ඉල්ලා සිටිනවා.
මේ අතර ඊයේ (22) පස්වරු 06 සිට අද උදෑසන 06 තෙක් තාවකාලිකව වසා දැමුණු මහනුවර – මහියංගණය ප්රධාන මාර්ගය ගමනාගමනය සඳහා විවෘත කෙරුණා.
යළිත් මෙම මාර්ගය අයහපත් කාලගුණය ඉවත් ව, අවදානම් තත්ත්වය පහව යනතුරු රාත්රී කාලයේ දී වසා තැබෙනු ඇති.
