පෙරේදා (08) උදෑසන 10ට පමණ අතුරුගිරිය නගරයේ ඔරුවල ප්රදේශයේ ටැටූ ආයතනයක දී ප්රසිද්ධ ව්යාපාරික ‘ක්ලබ් වසන්ත’ නොහොත් සුරේන්ද්ර වසන්ත පෙරේරා යන අය සහ නයන වාසුල යන අයට මරු කැඳවමින් ද තවත් සයදෙනෙකුට බරපතළ තුවාල සිදු කරමින් සිදු වූ වෙඩි තැබීමේ සිද්ධියට සම්බන්ධ සැකකරුවන් 07 දෙනෙකු පොලිස් අත් අඩංගුවට ගෙන තිබෙනවා.
බස්නාහිර පළාත් දකුණ අපරාධ කොට්ඨාසය විසින් මෙම පුද්ගලයින් ව අත්අඩංගුවට ගෙන ඇත්තේ කොට්ටාව, අතුරුගිරිය යන ප්රදේශවලදීයි.
පොලිස් මාධ්ය ප්රකාශක කාර්යාලය සඳහන් කරන පරිදි මේ වනවිට අදාළ සැකකරුවන් ව අතුරුගිරිය පොලිසියට ඉදිරිපත් කර තිබෙනවා.
අත් අඩංගුවට ගත් සැකකරුවන් වයස අවුරුදු 24,27,28,31 හා 37 යන වයස්වල පසුවන්නන් වන අතර ඔවුන් බලපිටිය, අම්බලන්ගොඩ, ගනේමුල්ල හා බෙලිඅත්ත යන ප්රදේශවල පදිංචිකරුවන්.
මෙලෙස අත් අඩංගුවට ගත් සැකකරුවන් අතර වෙඩි තැබීම සිදු වූ ව්යාපාරික ස්ථානයේ හිමිකරු, වෙඩි තැබීමට යොදාගත් මෝටර් රථය අම්බලන්ගොඩ ප්රදේශයේ සිට අතුරුගිරිය ප්රදේශයට රැගෙන එන ලද සැකකරුවන් දෙදෙනකු, එම කාර් රථය අපරාධය සිදු කිරීමට පෙර නිවස පිහිටි ඉඩමේ තබාගෙන සිටි සැකකරුවෙකු, අපරාධයෙන් පසු සැකකරුවන් හට පැන යාමට භාවිතා කළ වෑන් රථය තබාගෙන සිටි සැකකරු මේ අතරට අයත්.
අපරාධය සිදු කිරීමෙන් පසු සැකකරුවන් පලා ගිය ව්යාජ අංක තහඩු යෙදූ කාර් රථය, වෑන් රථය සහ ව්යාපාරික ස්ථානයේ හිමිකරුගේ ජංගම දූරකථනය විමර්ශන නිලධාරීන් සිය භාරයට ගෙන තිබෙනවා.
මෙම මෙහෙයුම විදේශගත ව සිටින සංවිධානාත්මක අපරාධකරුවන්ගේ මෙහෙයවීම මත සිදු ව ඇත්තක් බවටයි හෙළි ව ඇත්තේ.
සිද්ධිය සම්බන්ධයෙන් බස්නාහිර පළාත් දකුණ අපරාධ කොට්ඨාසය හා අතුරුගිරිය පොලිසිය වැඩිදුර විමර්ශන සිදු කරනවා.
