අණ නොතකා ගිය ත්‍රිරෝද රථය පසුපස පැන්නූ පොලිස් නිලධාරීන් දෙදෙනා අනතුරකින් රෝහලේ

පොලිස් අණ නොතකා ධාවනය කළ ධා ත්‍රිරෝද රථයක් පසුපස හඹා ගිය පොලිස් යතුරුපැදියක් අනතුරට ලක්ව පොලිස් නිලධාරීන් දෙදෙනෙක් තුවාල ලබා තිබෙනවා.

තුවාල ලැබූ පොලිස් නිලධාරීන් දෙදෙනා ප්‍රතිකාර සඳහා ප්‍රතිකාර සදහා පුත්තලම මූලික රෝහලට ඇතුළත් කර ඇති බවයි වාර්තා වුණේ.

ඊයේ (06) රාත්‍රියේ පුත්තලම – කුරුණෑගල මාර්ගයේ කල්අඩිය ප්‍රදේශයේදී මෙම අනතුර සිදුව තිබෙනවා.

අනතුරින් තුවාල ලබා ඇත්තේ පුත්තලම පොලීසියේ රථ වාහන අංශයට අනියුක්තව සේවය කරන පොලිස් සැරයන්වරු දෙදෙනෙක්.

මෙම පොලිස් නිලධාරීන් දෙදෙනා ඊයේ (06) රාත්‍රියේ පුත්තලම – කුරුණෑගල මාර්ගයේ කල්අඩිය ප්‍රදේශයේ රථවාහන
පරීක්ෂා කිරීමේ රාජකාරියේ නිරතව සිට තිබෙනවා.

එම අවස්ථාවේ දී කුරුණෑගල දෙස සිට පුත්තලම දෙසට ධාවනය වූ ත්‍රිරෝද රථයක් නවත්වන ලෙස පොලිස් නිලධාරීන් අණ කර ඇති බවයි වාර්තා වුණේ.

කෙසේ වෙතත් එම අණ නොතකා අදාළ ත්‍රිරෝද රථය ධවනය කර ඇති අතර, එලෙස ධාවනය කළ ත්‍රිරෝද රථය අල්ලා ගැනීමට පොලිස් නිලධාරීන් දෙදෙනා ඒ පසුපස හඹා ගොස් ඇති අතර, එම අවස්ථාවේ යතුරුපැදිය ත්‍රිරෝද රථයේ පැටලී මෙම අනතුරට මුහුණ පා තිබෙනවා.

ත්‍රිරෝද රථයේ රියදුරු අත්අඩංගුවට ගෙන ඇති අතර, එම අවස්ථාවේ ඔහු බීමතින් සිට ඇති බවයි අනාවරණය වී ඇත්තේ.

.