නිරිතදිග බෙංගාල බොක්ක මුහුදු ප්රදේශ ආශ්රිත ව පවතින අඩු පීඩන කලාපය තවදුරටත් වයඹ දෙසට ගමන් කරමින් ඉදිරි දින දෙක තුළ දී උතුරු තමිල්නාඩු හා දකුණු අන්ද්රා වෙරළ තීර වෙත ගමන් කරන බව කාලගුණ විද්යා දෙපාර්තමේන්තුව නිවේදනය කරනවා.
මේ හේතුවෙන් දිවයිනේ උතුරු, වයඹ සහ බස්නාහිර පළාත්වලත් ගාල්ල සහ මාතර දිස්ත්රික්කවලත් වැසි වාර කිහිපයක් ඇති විය හැකි බවයි අද (19) අලුයම 5.30ට නිකුත් කළ කාලගුණ නිවේදනයේ දැක්වෙන්නේ.
නැගෙනහිර සහ ඌව පළාත්වල සවස් කාලයේ හෝ රාත්රී කාලයේ තැනින් තැන වැසි හෝ ගිගුරුම් සහිත වැසි ඇති විය හැකි අතර උතුරු, උතුරු මැද, මධ්යම, සබරගමුව සහ නැගෙනහිර පළාත්වල උදෑසන කාලයේ දී මීදුම් සහිත තත්ත්වයක් ඇති විය හැකියි.
ගිගුරුම් සහිත වැසි සමග ඇති විය හැකි තාවකාලික තද සුළංවලින් සහ අකුණු මගින් සිදුවන අනතුරු අවම කරගැනීමට අවශ්ය පියවර ගන්නා ලෙසත් ජනතාවගෙන් ඉල්ලා සිටිනවා.
